ମୁମ୍ବାଇ: କ୍ରମାଗତ ଅଷ୍ଟମ ସପ୍ତାହ ପାଇଁ ଦେଶର ବିଦେଶୀ ମୁଦ୍ରା ଭଣ୍ଡାରରେ ହ୍ରାସ ଦେଖା ଦେଇଛି । ୨୩ ସେପ୍ଟେମ୍ବର ୨୦୨୨ ସୁଦ୍ଧା ଭାରତର ବୈଦେଶିକ ମୁଦ୍ରା ଭଣ୍ଡାରରେ ୮.୧୩୪ ବିଲିୟନ ଡ଼ଲାର ହ୍ରାସ ପାଇଛି। ଅଗଷ୍ଟ ୨୦୨୦ ଠାରୁ ଦେଶର ବୈଦେଶିକ ମୁଦ୍ରା ଭଣ୍ଡାରର ଏହା ହେଉଛି ସର୍ବନିମ୍ନ ସ୍ତର । ଏହା ପୂର୍ବରୁ ୧୬ ସେପ୍ଟେମ୍ବର ୨୦୨୨ ଶେଷ ହୋଇଥିବା ସପ୍ତାହରେ ବେଦେଶିକ ମୁଦ୍ରା ୫.୨୨ ବିଲିୟନ ଡ଼ଲାର ହ୍ରାସ ପାଇ ୫୪୫ ବିଲିୟନ ଡ଼ଲାରରେ ପହଞ୍ଚିଥିଲା।
ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ରୁ ମିଳିଥିବା ସୂଚନା ଅନୁଯାୟୀ, ୨୩ ସେପ୍ଟେମ୍ବର ୨୦୨୨ ରେ ଶେଷ ହୋଇଥିବା ସପ୍ତାହରେ ଦେଶର ବୈଦେଶିକ ମୁଦ୍ରା ଭଣ୍ଡାର ୮.୧୩୪ ବିଲିୟନ ଡ଼ଲାରରୁ ୫୩୭.୫୧୮ ବିଲିୟନ ଡ଼ଲାରକୁ ହ୍ରାସ ପାଇଛି। ଏହାପୂର୍ବରୁ ସେପ୍ଟେମ୍ବର ୧୬ରେ ଏହା ୫.୨୨ ବିଲିୟନ ଡ଼ଲାରରୁ ୫୪୫ ବିଲିୟନ ଡ଼ଲାରକୁ ଖସି ଆସିଥିଲା। ଗତ ମାସରେ ଅଗଷ୍ଟ ୫ ତାରିଖରେ ଶେଷ ହୋଇଥିବା ସପ୍ତାହରେ ଏହା କ୍ରମାଗତ ଭାବେ ହ୍ରାସ ପାଉଛି। ତେବେ ଜୁଲାଇ ୨୯ରେ ଶେଷ ହୋଇଥିବା ସପ୍ତାହରେ ବୈଦେଶିକ ମୁଦ୍ରା ଭଣ୍ଡାର ୨.୪ ବିଲିୟନ ଡ଼ଲାର ବୃଦ୍ଧି ପାଇ ୫୭୩.୮୭୫ ବିଲିୟନ ଡ଼ଲାରରେ ପହଞ୍ଚିଥିଲା । ଏହା ପୂର୍ବରୁ କ୍ରମାଗତ ଚାରି ସପ୍ତାହ ପାଇଁ ଦେଶର ବୈଦେଶିକ ମୁଦ୍ରା ଭଣ୍ଡାର ହ୍ରାସ ପାଇଥିଲା।
୨୩ ସେପ୍ଟେମ୍ବରରେ ଶେଷ ହୋଇଥିବା ସପ୍ତାହ ସୁଦ୍ଧା ବୈଦେଶିକ ମୁଦ୍ରା ଭଣ୍ଡାର ହ୍ରାସର ମୁଖ୍ୟ କାରଣ ହେଉଛି ବୈଦେଶିକ ମୁଦ୍ରା ସମ୍ପତ୍ତି । ଏହା ସମୁଦାୟ ମୁଦ୍ରା ଭଣ୍ଡାରର ଏକ ଗୁରୁତ୍ୱପୂର୍ଣ୍ଣ ଅଂଶ । ଆରବିଆଇ ତରଫରୁ ଶୁକ୍ରବାର ଜାରି ତଥ୍ୟ ଅନୁଯାୟୀ ବୈଦେଶିକ ମୁଦ୍ରା ସମ୍ପତ୍ତି (ଏଫସିଏ) ସମୀକ୍ଷାଧୀନ ସପ୍ତାହ ଗୁଡ଼ିକରେ ୭.୬୮୮ ବିଲିୟନ ଡ଼ଲାରରୁ ହ୍ରାସ ପାଇ ୪୭୭.୨୧୨ ବିଲିୟନ ଡ଼ଲାରକୁ ଖସି ଆସିଛି । ତଥ୍ୟ ଅନୁଯାୟୀ, ସମୀକ୍ଷା ବୈଠକରେ ସପ୍ତାହରେ ସୁନା ଭଣ୍ଡାରରେ ମଧ୍ୟ ହ୍ରାସ ଘଟିଛି। ବର୍ତ୍ତମାନ ଏହାର ମୂଲ୍ୟ ୩୦୦ ନିୟୁତ ଡଲାର ହ୍ରାସ ପାଇ ୩୭୮୮୬ ବିଲିୟନ ଡ଼ଲାରରେ ପହଞ୍ଚିଛି।
Comments are closed.