ନୂଆଦିଲ୍ଲୀ: କରୋନାର ତୃତୀୟ ଲହର ମଧ୍ୟରେ ଦେଶରେ ବେକାରୀ ପୁଣିଥରେ ରେକର୍ଡ ସ୍ତରରେ ପହଞ୍ଚିଛି । ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନୋମି (ସିଏମ୍ଆଇଇ) ର ଏକ ରିପୋର୍ଟ ଅନୁଯାୟୀ ଡିସେମ୍ବରରେ ବେକାରୀ ହାର ୭.୯% ରହିଥିଲା ଯାହା ନଭେମ୍ବର (୭.୦%) ଠାରୁ ଅଧିକ । ସିଏମ୍ଆଇଇ ତଥ୍ୟ ଅନୁଯାୟୀ, ଅଗଷ୍ଟ ୨୦୨୧ (୮.%) ପରଠାରୁ ଦେଶରେ ବେକାରୀ ହାର ସର୍ବାଧିକ |
ସଦ୍ୟତମ ସିଏମ୍ଆଇଇ ତଥ୍ୟ ଅନୁଯାୟୀ, ସହରାଞ୍ଚଳରେ ବେକାରୀ ହାର ଡିସେମ୍ବରରେ ୯.୩% ରେ ପହଞ୍ଚିଛି | ନଭେମ୍ବରରେ ଏହା ୮.୨% ଥିଲା | ଡିସେମ୍ବରରେ ଗ୍ରାମାଞ୍ଚଳର ବେକାରୀ ହାର ମଧ୍ୟ ୭.୩% ବୃଦ୍ଧି ପାଇଛି। ଅନେକ ଅର୍ଥନୀତିଜ୍ଞ ଆଶଙ୍କା ଯେ ଓମିକ୍ରନ୍ ଗତ ତ୍ରୈୟ ମାସରେ ଦେଖାଯାଇଥିବା ଅର୍ଥନୈତିକ ସୁଧାରକୁ ପୁଣି କ୍ଷତି ପହଞ୍ଚାଇପାରେ |
ରାଜ୍ୟଗୁଡିକ ବିଷୟରେ କହିବାକୁ ଗଲେ, ନଭେମ୍ବର ମାସରେ ହରିୟାଣାର ବେକାରୀ ହାର ସର୍ବାଧିକ ଥିଲା । ଏହି ସମୟ ମଧ୍ୟରେ ହରିୟାଣାରେ ବେକାରୀ ହାର ଥିଲା ୩୪.୧% | ଦ୍ବିତୀୟ ସ୍ଥାନରେ ରାଜସ୍ଥାନ (୨୭.୧%) ଥିବାବେଳେ ଝାଡଖଣ୍ଡର ବେକାରୀ ହାର ୧୭.୩%, ବିହାର ୧୬% ଏବଂ ଜାମ୍ମୁ କାଶ୍ମୀରର ୧୫% ରେକର୍ଡ କରାଯାଇଛି। ଜାତୀୟ ରାଜଧାନୀ ଦିଲ୍ଲୀରେ ଡିସେମ୍ବରରେ ବେକାରୀ ହାର ୯.୮% ଥିଲା।
ସିଏମ୍ଆଇଇ ରିପୋର୍ଟ ଅନୁଯାୟୀ, ସେପ୍ଟେମ୍ବର ୨୦୨୧ରେ ବେକାରୀ ହାର ୧୧.୮୪% ରେ ପହଞ୍ଚିଥିଲା | ଅବଶ୍ୟ ଏହା ଏହା ହ୍ରାସ ପାଇ ୬.୮୬% କୁ ଆସିଥିଲା | କିନ୍ତୁ ବର୍ତ୍ତମାନ ବେକାରୀ ହାର ପୁଣି ବଢିବାରେ ଲାଗିଛି |
Comments are closed.