ନୂଆଦିଲ୍ଲୀ,୧୮।୨: ବିସିସିଆଇ ଆଇପିଏଲ୍-୨୦୨୩ର କାର୍ଯ୍ୟସୂଚୀ ଘୋଷଣା କରିଛି । ମାର୍ଚ୍ଚ ୩୧ରେ ଅହମ୍ମଦାବାଦରେ ସିଜନର ଉଦଘାଟନୀ ମ୍ୟାଚରେ ଡିଫେଣ୍ଡିଂ ଚାମ୍ପିୟନ୍ ଗୁଜରାଟ ଟାଇଟାନ୍ସର ମୁକାବିଲା ଚାରି ଥରର ବିଜେତା ଚେନ୍ନାଇ ସୁପରକିଙ୍ଗ୍ସ ସହ ହେବ ।
ଗତ ବର୍ଷ ଡେବ୍ୟୁ ସିଜନରେ ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱାଧୀନ ଟାଇଟାନ୍ସ ଟାଇଟଲ୍ ଜିତିଥିଲା।
ଆଇପିଏଲର ଷୋଡ଼ଶ ସଂସ୍କରଣ ମାର୍ଚ୍ଚ ୩୧ରୁ ଆରମ୍ଭ ହେବ । ଆଗାମୀ ସିଜନରେ ମୋଟ ୫୨ଟି ରାଉଣ୍ଡ ରବିନ ମ୍ୟାଚ୍ ଖେଳାଯିବ ।
ସିଜନର ପ୍ରଥମ ‘ଡବଲ୍ ହେଡର୍’ (ଗୋଟିଏ ଦିନରେ ଦୁଇଟି ମ୍ୟାଚ୍)ରେ ଏପ୍ରିଲ୍ ୧ରେ ପଞ୍ଜାବ କିଙ୍ଗ୍ସର ସାମ୍ନା ମୋହାଲିରେ କୋଲକାତା ନାଇଟ୍ ରାଇଡର୍ସ ସହ ହେବ ।ଲକ୍ଷ୍ନୌରେ ଦ୍ବିତୀୟ ମ୍ୟାଚରେ ଲକ୍ଷ୍ନୌ ସୁପର ଜାଏଣ୍ଟସ୍ ଓ ଦିଲ୍ଲୀ କ୍ୟାପିଟାଲ୍ସ ମୁହାଁମୁହିଁ ହେବେ।
‘ଡବଲ୍ ହେଡର୍’ ପ୍ରତି ଶନିବାର ଏବଂ ରବିବାର ଅନୁଷ୍ଠିତ ହେବାକୁ ଥିବା ବେଳେ ସୋମବାର ଠାରୁ ଶୁକ୍ରବାର ପର୍ଯ୍ୟନ୍ତ ସିଙ୍ଗଲ୍ ମ୍ୟାଚ୍ ଖେଳାଯିବ |
ଲିଗ୍ ପର୍ଯ୍ୟାୟ ଏପ୍ରିଲ ୨୧ରେ ବେଙ୍ଗାଲୁରୁରେ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଟାଇଟାନ୍ସ ମଧ୍ୟରେ ମୁକାବିଲା ସହ ସହିତ ଶେଷ ହେବ |
ଗତ ସଂସ୍କରଣରେ ମ୍ୟାଚ୍ ଗୁଡିକ ମୁମ୍ବାଇ, ପୁଣେ ଏବଂ ଅହମ୍ମଦାବାଦରେ ଖେଳାଯାଇଥିଲା । କିନ୍ତୁ ୧୬ତମ ସିଜନରେ ‘ହୋମ୍-ଆଓ୍ବେ’ ଫର୍ମାଟ୍ ଫେରିବ । ଏହି ଫର୍ମାଟ୍ ଅନୁଯାୟୀ ସମସ୍ତ ଦଳ ଲିଗ୍ ପର୍ଯ୍ୟାୟରେ ୭ଟି ଘରୋଇ ମ୍ୟାଚ୍ ଖେଳିବେ ଏବଂ ଅବଶିଷ୍ଟ ୭ ମ୍ୟାଚ୍ ବିପକ୍ଷ ଟିମର ଗ୍ରାଉଣ୍ଡରେ ଖେଳିବେ ।
ବିସିସିଆଇ ସୂଚନା ଅନୁଯାୟୀ, ୫୨ ଦିନରେ ୧୨ଟି ଭେନ୍ୟୁରେ ମୋଟ ୭୦ଟି ଲିଗ୍ ମ୍ୟାଚ୍ ଖେଳାଯିବ |
ଆଇପିଏଲ୍ ୨୦୨୩ରେ ୧୮ଟି ‘ଡବଲ୍ ହେଡର୍’ ହେବ । ଦିନ ମ୍ୟାଚ୍ ଅପରାହ୍ନ ୩.୩୦ ରୁ ଏବଂ ସନ୍ଧ୍ୟା ମ୍ୟାଚ୍ ସନ୍ଧ୍ୟା ୭.୩୦ ରୁ ଆରମ୍ଭ ହେବ |
ରାଜସ୍ଥାନ ରୟାଲ୍ସ ଗୁଆହାଟିରେ ସେମାନଙ୍କର ପ୍ରଥମ ଦୁଇଟି ଘରୋଇ ମ୍ୟାଚ୍ ଏବଂ ପରେ ଜୟପୁରରେ ଅବଶିଷ୍ଟ ଘରୋଇ ମ୍ୟାଚ୍ ଖେଳିବ |
ପଞ୍ଜାବ କିଙ୍ଗସ୍ ମୋହାଲିରେ ପାଞ୍ଚଟି ଘରୋଇ ମ୍ୟାଚ୍ ଖେଳିବାକୁ ଥିବାବେଳେ ଧର୍ମଶାଳାରେ ଦିଲ୍ଲୀ କ୍ୟାପିଟାଲ୍ସ ଏବଂ ରାଜସ୍ଥାନ ରୟାଲ୍ସ ବିପକ୍ଷରେ ଅବଶିଷ୍ଟ ଦୁଇଟି ଘରୋଇ ମ୍ୟାଚ୍ ଖେଳିବ ।
ପ୍ଲେ ଅଫ୍ ଏବଂ ଫାଇନାଲ୍ ପାଇଁ କାର୍ଯ୍ୟସୂଚୀ ଏବଂ ଭେନ୍ୟୁ ପରେ ଘୋଷଣା କରାଯିବ | ମେ ୨୮ରେ ଫାଇନାଲ ଖେଳାଯିବ |
Comments are closed.