ଆବୁଧାବି: ୨୦୨୧ ଟି-୨୦ ବିଶ୍ୱକପ ପରେ ଟି-୨୦ ଅନ୍ତର୍ଜାତିକୀରେ ଟିମ୍ ଇଣ୍ଡିଆର ଅଧିନାୟକତ୍ୱ ଛାଡିବାକୁ ଘୋଷଣା କରିଥିବା ବିରାଟ କୋହଲି ଆଉ ଏକ ବଡ଼ ନିଷ୍ପତ୍ତି ନେଇଛନ୍ତି। ୟୁଏଇରେ ଆଇପିଏଲ୍ ୨୦୨୧ର ଦ୍ୱିତୀୟ ପର୍ଯ୍ୟାୟ ଖେଳାଯିବା ପରେ ସେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଅଧିନାୟକ ପଦ ଛାଡ଼ିବେ ବୋଲି କୋହଲି ଘୋଷଣା କରିଛନ୍ତି।
ଆରସିବି ଅଧିନାୟକ ଭାବେ କୋହଲିଙ୍କର ବେଶ୍ ଖରାପ ରେକର୍ଡ ରହିଛି। ସେ ୨୦୧୩ରୁ ଆରସିବି ର ଅଧିନାୟକ ରହିଆସିଛନ୍ତି, କିନ୍ତୁ ଦଳକୁ ଥରେ ବି ଟାଇଟଲ ଜିତାଇବାରେ ସମର୍ଥ ହୋଇ ନାହାଁନ୍ତି। ୨୦୧୬ ପରେ ଆରସିବି ଦଳ ଗତ ବର୍ଷ ପ୍ଲେ ଅଫ୍ ଯୋଗ୍ୟତା ଅର୍ଜନ କରିଥିଲା | ୨୦୧୭ ଏବଂ ୨୦୧୯ରେ ଆରସିବି ପଏଣ୍ଟ ଟେବୁଲର ତଳେ ଥିବାବେଳେ ୨୦୧୮ରେ ଷଷ୍ଠ ସ୍ଥାନରେ ରହିଥିଲା | କୋହଲିଙ୍କ ପାଇଁ ୨୦୧୭ ସିଜନ୍ ବହୁତ ଭଲ ଥିଲା । ସେ ଉକ୍ତ ସଂସ୍କରଣରେ ୯୭୩ ରନ୍ କରିଥିଲେ | ଏହା ପରେ କେବଳ ୨୦୧୮ରେ କୋହଲି ୫୦୦ ରନ୍ ଅତିକ୍ରମ କରିପାରିଥିଲେ | ଆଇପିଏଲ୍ ୨୦୨୧ ସିଜନରେ ସେ ଏଯାବ ୭ଟି ମ୍ୟାଚ୍ ଖେଳିଥିବା ବେଳେ ଗୋଟିଏ ଅର୍ଦ୍ଧଶତକ ଓ ୩୩ ଆଭରେଜ୍ ସହ ରନ୍ କରିଛନ୍ତି ।
Comments are closed.