ଭାରତୀୟ ମହିଳା ହକି ଖେଳାଳିଙ୍କ ସହ କଥା ହେଲେ ମୁଖ୍ୟମନ୍ତ୍ରୀ , ଉନ୍ନତ ପ୍ରଦର୍ଶନ ଲାଗି ଜଣାଇଲେ ଅଭିନନ୍ଦନ

ଭୁବନେଶ୍ୱର – ଟୋକିଓ ଅଲିମ୍ପିକ୍ସରେ ଲଢୁଆ ଖେଳ ପ୍ରଦର୍ଶନ କରିବା ହକିପ୍ରେମୀଙ୍କ ହୃଦୟ ଜିତିଥିବା ଭାରତୀୟ ମହିଳା ହକି ଦଳର ସଦସ୍ୟଙ୍କ ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଥାବାର୍ତ୍ତା ହୋଇଛନ୍ତି । ଭିଡିଓ କନଫରେନସିଂ ଜରିଆରେ ଖେଳାଳିଙ୍କ ସହ କଥା ହୋଇଛନ୍ତି ମୁଖ୍ୟମନ୍ତ୍ରୀ । ଉନ୍ନତ ପ୍ରଦର୍ଶନରେ ଖୁସି ପ୍ରକାଶ କରି ମୁଖ୍ୟମନ୍ତ୍ରୀ ସେମାନଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି । ଆଗାମୀ ଦିନରେ ଭାରତୀୟ ମହିଳା ହକି ଦଳ ଅଧିକ ସମ୍ମାନ ଆଣିବ ବୋଲି ଆଶା ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ । ଭାରତୀୟ ମହିଳା ହକି ଦଳକୁ ମଧ୍ୟ ରାଜ୍ୟ ସରକାର ସ୍ପନସର କରୁଛନ୍ତି ।