ନୂଆଦିଲ୍ଲୀ: କେନ୍ଦ୍ର ମନ୍ତ୍ରୀ ସର୍ବାନନ୍ଦ ସୋନୋୱାଲ, କେନ୍ଦ୍ର ମନ୍ତ୍ରୀ ଏଲ ମୁରୁଗାନ, ବିଜେପିର ସେଲଭାଗଣପତି ଏବଂ ତୃଣମୂଳ କଂଗ୍ରେସର ସୁସ୍ମିତା ଦେବ ରାଜ୍ୟସଭା ପାଇଁ ହୋଇଥିବା ଉପନିର୍ବାଚନରେ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଛନ୍ତି ।
ସୋମବାର ଆସାମରୁ କେନ୍ଦ୍ର ମନ୍ତ୍ରୀ ସୋନୋୱାଲ ନିର୍ବାଚିତ ହୋଇଛନ୍ତି। ଆସାମରୁ ଏହି ଆସନ ପାଇଁ ସୋନୋୱାଲ ଏକମାତ୍ର ପ୍ରାର୍ଥୀ ଥିଲେ ଏବଂ ନାମାଙ୍କନ ପ୍ରତ୍ୟାହାରର ଶେଷ ଦିନରେ ରିଟର୍ଣ୍ଣିଂ ଅଫିସର ତାଙ୍କୁ ସଂସଦର ଉପର ଗୃହକୁ ମନୋନୀତ କରିଥିଲେ। ସେହିପରି ଏଲ ମୁରୁଗାନ୍
ମଧ୍ୟପ୍ରଦେଶରୁ ରାଜ୍ୟସଭାକୁ ନିର୍ବାଚିତ ହୋଇଛନ୍ତି। ଏଥି ସହିତ ଗତ ମାସରେ କଂଗ୍ରେସ ଛାଡ଼ି ଟିଏମସିରେ ଯୋଗ ଦେଇଥିବା ସୁସ୍ମିତା ଦେବ ପଶ୍ଚିମବଙ୍ଗରୁ ରାଜ୍ୟସଭାକୁ ନିର୍ବାଚିତ ହୋଇଛନ୍ତି। ସେଲଭାଗଣପତି ପୁଡୁଚେରୀରୁ ରାଜ୍ୟସଭାକୁ ନିର୍ଦ୍ଵନ୍ଦରେ ନିର୍ବାଚିତ ହୋଇଥିଲେ।
ଆସାମର ପୂର୍ବତନ ମୁଖ୍ୟମନ୍ତ୍ରୀ ସୋନୋୱାଲ ଯେଉଁ ଆସନ ପାଇଁ ନାମାଙ୍କନପତ୍ର ଦାଖଲ କରିଥିଲେ, ତାହା ଆସାମ ବିଧାନସଭା ବାଚସ୍ପତି ବିଶ୍ୱଜିତ ଡେମାରି ଇସ୍ତଫା ଦେବା ପରେ ଖାଲି ପଡିଥିଲା। ବିଧାନସଭା ନିର୍ବାଚନରେ ନିର୍ବାଚିତ ହେବା ପରେ ଡେମ୍ରି ରାଜ୍ୟସଭା ସଦସ୍ୟ ପଦରୁ ଇସ୍ତଫା ଦେଇଥିଲେ।
ଗତ ସପ୍ତାହରେ କଂଗ୍ରେସ ଛାଡିବା ପରେ ତୃଣମୂଳ କଂଗ୍ରେସ ସୁସ୍ମିତା ଦେବଙ୍କୁ ରାଜ୍ୟସଭା ଉପନିର୍ବାଚନ ପାଇଁ ପ୍ରାର୍ଥୀ କରିଥିଲା। ପଶ୍ଚିମ ମେଦିନୀପୁରର ସବାଙ୍ଗରୁ ବିଧାନସଭା ନିର୍ବାଚନ ଜିତିବା ପରେ ଟିଏମସିର ମାନସ ଭୁୟାଁ ରାଜ୍ୟସଭା ସଦସ୍ୟତା ପଦରୁ ଇସ୍ତଫା ଦେଇଥିଲେ। ଏହି କାରଣରୁ ଏହି ଆସନ ଖାଲି ପଡିଥିଲା ।
ଭାରତୀୟ ଜନତା ପାର୍ଟି (ବିଜେପି) ପ୍ରାର୍ଥୀ ଏସ୍ ସେଲଭାଗଣପତି ସୋମବାର ପୁଡୁଚେରୀରୁ ରାଜ୍ୟସଭାର ଏକମାତ୍ର ଆସନରୁ ନିର୍ବାଚିତ ହୋଇଛନ୍ତି।
Comments are closed.