ଦିଲ୍ଲୀରେ ଆଉ ୧୦ ଓମିକ୍ରନ୍ ରୋଗୀ ଚିହ୍ନଟ

ନୂଆଦିଲ୍ଲୀ: ଭାରତରେ ଓମିକ୍ରନ୍ ଭାରିଆଣ୍ଟ କାୟା ବିସ୍ତାର କରିବାରେ ଲାଗିଛି । ବିଭିନ୍ନ ରାଜ୍ୟରେ ଏହି ନୂଆ କୋଭିଡ୍-୧୯ ଭାରିଆଣ୍ଟ୍ ଜନିତ ମାମଲା କ୍ରମାଗତ ଭାବେ ବଢୁଛି । ରାଜଧାନୀ ଦିଲ୍ଲୀ ଏଥିରୁ ବାଦ୍ ପଡ଼ିନାହିଁ । ଦିଲ୍ଲୀରେ ଓମିକ୍ରନର ଆଉ ୧୦ଟି ନୂଆ ମାମଲା ରିପୋର୍ଟ ହୋଇଛି | ଫଳରେ ଦିଲ୍ଲୀରେ ଏହି ଭାରିଆଣ୍ଟର ମୋଟ ମାମଲା ୨୦କୁ ବୃଦ୍ଧି ପାଇଥିବା ବେଳେ ଦେଶରେ ଓମିକ୍ରନ ରୋଗୀ ସଂଖ୍ୟା ୯୭ରେ ପହଞ୍ଚିଛି ।

ଏହା ପୂର୍ବରୁ ଗୁରୁବାର ଦେଶର ବିଭିନ୍ନ ରାଜ୍ୟରେ ଓମିକ୍ରନ୍‌ର ମୋଟ ୧୪ଟି ନୂଆ ମାମଲା ରିପୋର୍ଟ ହୋଇଥିଲା। ଗୁରୁବାର ଦିନ କର୍ଣ୍ଣାଟକରେ ଓମିକ୍ରନର ପାଞ୍ଚଟି ମାମଲା ଚିହ୍ନଟ ହୋଇଥିବାବେଳେ ଦିଲ୍ଲୀ ଏବଂ ତେଲେଙ୍ଗାନାରେ ଚାରିଟି ମାମଲା ରୁଜୁ ହୋଇଛି।