ଟ୍ରେନରେ ଗାଜିଆବାଦ ଚାଲାଣ ହେଉଥିଲା ଗଞ୍ଜେଇ, ୨ଗିରଫ

ବଲାଙ୍ଗୀର: ଟିଟିଲାଗଡ଼ ମମତା ଏକ୍ସପ୍ରେସରେ ଗଞ୍ଜେଇ ଚାଲାଣ ହେଉଥିବା ବେଳେ ୨ ଜଣଙ୍କୁ ଜିଆରପି ପକ୍ଷରୁ ଅଟକ ରଖି ତଦନ୍ତ ଚଳାଇଛି । ଦୁଇ ଜଣ ହେଲେ ୟୁପିର ଗାଜିଆବାଦ ଅଞ୍ଚଳର ପୱନ ସିଂ (୨୪) ହିମାଂଶୁ ଶର୍ମା (୨୫)। ଜିଆରପି ପୁଲିସ କୌଣସି ସୂତ୍ରରୁ ଖବର ପାଇ ତଲାସୀ କରିଥିଲେ । ସେଠାରେ ଦୁଇ ଟ୍ରଲି ବ୍ୟାଗରୁ ପ୍ରାୟ ୩୪ କେଜି ଗଞ୍ଜେଇ ଜବତ କରାଯାଇଥିଲା । ଏନେଇ ଜିଆରପି ପକ୍ଷରୁ ମାମଲା ରୁଜୁ କରାଯାଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।ଏହି ଚଢାଉ ରେ ଆରପିଏଫ ଏସଆଇ ରମେଶ ଚନ୍ଦ୍ର ପାତ୍ର, କୁମାର ସତ୍ୟମ୍, ଚୈତନ୍ୟ ବାଗ, ପରମାନନ୍ଦ ଭାଟି, ଅଭୟ ସ୍ୱାଇଁ ପ୍ରମୁଖ ଉପସ୍ଥିତ ଥିଲେ।