ବିଦ୍ୟୁତ୍ ଖୁଣ୍ଟ ସହ ଧକ୍କାରେ ବାଇକ୍ ଆରୋହୀ ମୃତ

ଛତ୍ରପୁର: ରବିବାର ମଧ୍ୟାହ୍ନରେ ଖଲ୍ଲିକୋଟ ଥାନା ନିକଟରେ ଏକ ଦୁର୍ଘଟଣାରେ ଜଣେ ବାଇକ୍ ଆରୋହୀ ପିଣ୍ଟୁ ଦାସ (୨୫) ପ୍ରାଣ ହରାଇଛନ୍ତି। ତାଙ୍କ ସହ ଥିବା ଆଉ ଜଣେ ଯାତ୍ରୀ ଗୋପା ଦାସ (୨୨) ଗୁରୁତର ହୋଇଛନ୍ତି। ଦୁହେଁ କୋୖଣସି କାମରେ ଖଲ୍ଲିକୋଟରୁ କେଶପୁର ଯାଉଥିବା ବେଳେ ସେମାନଙ୍କ ବାଇକ୍ ଭାରସାମ୍ୟ ହରାଇ ରାସ୍ତା କଡ଼ ଏକ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଇଥିଲା। ନିକଟସ୍ଥ ଥାନା ପୋଲିସ ଓ ଅଗ୍ନିଶମ ବାହିନୀ ଗୁରୁତର ଦୁହିଁଙ୍କୁ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇଥିଲେ। ହେଲେ ସେତେବେଳକୁ ପିଣ୍ଟୁଙ୍କ ଜୀବନ ଯାଇ ସାରିଥିଲା। ଗୋପାଳଙ୍କୁ ଚିକିତ୍ସା କରାଯାଉଛି।