୨ ଚୋରି ଅଭିଯୁକ୍ତ ଗିରଫ, ଅଢେଇ ଲକ୍ଷର ସାମଗ୍ରୀ ଉଦ୍ଧାର

ବ୍ରହ୍ମପୁର: ବ୍ରହ୍ମପୁର ପୋଲିସ ଜିଲ୍ଲା ଅନ୍ତର୍ଗତ ନିମଖଣ୍ଡି ଥାନା ଓ ସଦର ଥାନା ଅଞ୍ଚଳରେ ୬ଟି ଚୋରି ଘଟଣାରେ ପୋଲିସ ୨ ଜଣଙ୍କୁ ମଙ୍ଗଳବାର ଗିରଫ କରିଛି। ସେମାନେ ହେଲେ ଲୋଚାପଡା ମୁଖ୍ୟ ରାସ୍ତାର ଟୁନା ପ୍ରଧାନ (୨୨) ଓ ହିଞ୍ଜିଳି ନିକଟ ଦୁର୍ବନ୍ଧର ସୁଦର୍ଶନ ସାହୁ (୨୪)। ଏମାନଙ୍କ ଠାରୁ ଆନୁମାନିକ ଅଢେଇ ଲକ୍ଷ ଟଙ୍କାର ବିଭିନ୍ନ ଚୋରି ସାମଗ୍ରୀ ଯଥା ପାଣି ମୋଟର ପମ୍ପ୍, ଇନଭର୍ଟର୍ ବ୍ୟାଟେରୀ ଓ ମେସିନ୍, ଗୋଟିଏ ବାଇକ୍, ଡ୍ରିଲିଂ ଓ କଟିଂ ମେସିନ୍ ଆଦି। ଅଧିକ ତଦନ୍ତ ଜାରି ରହିଛି। ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି। ଉଦ୍ଧାର ସାମଗ୍ରୀ ପ୍ରକୃତ ମାଲିକଙ୍କୁ ହସ୍ତାନ୍ତର କରାଯିବ ବୋଲି ବ୍ରହ୍ମପୁର ଏସପି ଡାଃ ସର୍ବଣା ବିବେକ ଏମ୍ ଏକ ପ୍ରେସ୍ ବିବୃତିରେ ଉଲ୍ଲେଖ କରିଛନ୍ତି।