ବିଲରୁ ଘଉଡାଇବାକୁ ଯାଇଥିଲେ, କଚାଡି ମାରିଲା ହାତୀ

ସୁନ୍ଦରଗଡ଼ – ହାତୀ ଆକ୍ରମଣରେ ଜଣେ ମୃତ । ସୁନ୍ଦରଗଡ଼ ଜିଲ୍ଲା ବଡ଼ଗାଁ ଫରେଷ୍ଟ ରେଞ୍ଜର ଗରଗଡବାହାଲ ଜଣେ ବ୍ୟକ୍ତିଙ୍କୁ କଚାଡି ମାରିଛି ହାତୀ । ମୃତକ ଜଣକ ହେଲେ ହୀରାଲାଲ୍ ବେହେରା। ହାତୀ ଫସଲ ନଷ୍ଟ କରୁଥିବା ଜାଣି ହୀରାଲାଲ ଅନ୍ୟମାନଙ୍କ ସହ ହାତୀ ଗୋଡ଼ାଇବାକୁ ବିଲକୁ ଯାଇଥିଲେ। କିନ୍ତୁ ସେ ହାତୀ ହାବୁଡ଼ରେ ପଡ଼ିଯାଇଥିଲେ। ହାତୀଟି ତାଙ୍କୁ କଚାଡି ମାରିଦେଇଥିଲା।

କିଛି ମାସ ହେବ ଗଡଗାଁ ଫରେଷ୍ଟ ରେଞ୍ଜରେ ହାତୀ ପଲ ଆସି ଉପଦ୍ରବ କରୁଛନ୍ତି। ବନବିଭାଗ ସମସ୍ୟାର କିଛି ସ୍ଥାୟୀ ସମାଧାନ କରୁ ନଥିବାରୁ ସ୍ଥାନୀୟ ଅଞ୍ଚଳରେ ଉଦବେଗ ପ୍ରକାଶ ପାଇଛି।