ଧର୍ମଶାଳା: ଗୁରୁବାର ଠାରୁ ଆରମ୍ଭ ହୋଇଥିବା ପଞ୍ଚମ ଟେଷ୍ଟରେ ଇଂଲଣ୍ଡ ପ୍ରଥମ ଇନିଂସରେ ମାତ୍ର ୨୧୮ରେ ଅଲ୍ଆଉଟ୍ ହୋଇଯାଇଛି । ଇଂଲଣ୍ଡ ଟସ୍ ଜିତି ପ୍ରଥମେ ବ୍ୟାଟିଂ କରିଥିଲା । ହେଲେ ଇଂଲଣ୍ଡ ଦଳ କୁଲଦୀପ ଯାଦବ ଓ ରବିଚନ୍ଦ୍ରନ ଅଶ୍ୱିନଙ୍କ ସ୍ପିନ୍ ଜାଲରେ ଫସି ଯାଇଥିଲା । ସମସ୍ତ ୧୦ ଓ୍ବିକେଟ୍ ସ୍ପିନର ନେଇଥିଲେ ।
ଭାରତ ପକ୍ଷରୁ କୁଲଦୀପ ଯାଦବ ୫ଟି ୱିକେଟ୍ ନେଇଥିବା ବେଳେ କ୍ୟାରିୟରର ୧୦୦ ତମ ଟେଷ୍ଟ ଖେଳୁଥିବା ଅଶ୍ୱିନ ୪ଟି ୱିକେଟ୍ ହାତେଇ ଥିଲେ । ଆଉ ଗୋଟିଏ ୱିକେଟ୍ ରବିନ୍ଦ୍ର ଜାଡେଜା ନେଇଥିଲେ ।
ଇଂଲଣ୍ଡ ତା’ର ଶେଷ ୭ ଓ୍ବିକେଟ୍ ମାତ୍ର ୪୩ ରନରେ ହରାଇଥିଲା । ଇଂଲଣ୍ଡ ପକ୍ଷରୁ କେବଳ ଜ୍ୟାକ୍ କ୍ରଲି ୫୦ ଟପିଥିଲେ । ସେ ସର୍ବାଧିକ ୭୯ ରନ୍ କରିଥିଲେ ।
ଏହି ମ୍ୟାଚ୍ ପାଇଁ ଭାରତୀୟ ଦଳରେ ଦୁଇଟି ପରିବର୍ତ୍ତନ କରାଯାଇଛି । ଆକାଶଦୀପଙ୍କ ସ୍ଥାନରେ ଯସପ୍ରୀତ ବୁମରା ଫେରିଥିବା ବେଳେ ଦେବଦତ୍ତ ପାଡିକ୍କଲ ଡେବ୍ୟୁ କରୁଛନ୍ତି। ରଜତ ପାଟିଦାରଙ୍କ ସ୍ଥାନରେ ପାଡିକ୍କଲ ସୁଯୋଗ ପାଇଛନ୍ତି। ଭାରତୀୟ ସ୍ପିନର ଅଶ୍ବିନଙ୍କ ବ୍ୟତୀତ ଇଂଲଣ୍ଡ ବ୍ୟାଟର ଜନି ବେୟାରଷ୍ଟୋ ମଧ୍ୟ କ୍ୟାରିୟରର ୧୦୦ତମ ଟେଷ୍ଟ ଖେଳୁଛନ୍ତି।
Comments are closed.