ନୂଆ ଅପରାଧିକ ଆଇନକୁ ଚ୍ୟାଲେଞ୍ଜ, ସୋମବାର ସୁପ୍ରିମକୋର୍ଟରେ ଶୁଣାଣି

ନୂଆଦିଲ୍ଲୀ: ତିନି ନୂଆ ଅପରାଧିକ ଆଇନକୁ ଚ୍ୟାଲେଞ୍ଜ କରି ଆଗତ ଏକ ଆବେଦନର ସୋମବାର ସୁପ୍ରିମକୋର୍ଟରେ ଶୁଣାଣି ହେବ। ପୁରୁଣା ନିୟମରେ ଆମୂଳଚୁଳ ପରିବର୍ତ୍ତନ କରି ଏହି ତିନି ନୂଆ ଆଇନ ଆଣିଛନ୍ତି କେନ୍ଦ୍ର ସରକାର। ଜଷ୍ଟିସ ବେଲା ଏମ୍ ତ୍ରିବେଦୀ ଏବଂ ଜଷ୍ଟିସ ପଙ୍କଜ ମିଥଲଙ୍କ ଏକ ଅବକାଶ କାଳୀନ ଖଣ୍ଡପୀଠ ଏହି ମାମଲାର ଶୁଣାଣି କରିପାରନ୍ତି।

ଗତ ବର୍ଷ ଡିସେମ୍ବର ୨୧ରେ ଲୋକସଭାରେ ପାରିତ ହୋଇଥିଲା ଏହି ତିନି ଅପରାଧିକ ଆଇନ‌। ଏହି ତିନି ଅପରାଧିକ ଆଇନ ହେଉଛି – ଭାରତୀୟ ନ୍ୟାୟ (ଦ୍ୱିତୀୟ) ସଂହିତା, ଭାରତୀୟ ନାଗରିକ ସୁରକ୍ଷା (ଦ୍ୱିତୀୟ) ସଂହିତା ଏବଂ ଭାରତୀୟ ସାକ୍ଷ୍ୟ (ଦ୍ୱିତୀୟ) ବିଲ୍। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ତିନି ବିଲ୍ ଉପରେ ୨୫ ଡିସେମ୍ବରରେ ମୋହର ମାରିଥିଲେ। ଏହି ନୂଆ ଆଇନ ଯଥାକ୍ରମେ ଭାରତୀୟ ପିଙ୍ଗଳ କୋଡ୍ (ଆଇପିସି), ସିଆରପିସି, ଏବଂ ଭାରତୀୟ ସାକ୍ଷ୍ୟ ଆଇନର ସ୍ଥାନ ନେବ।

ଏହି ତିନି ନୂଆ ଆଇନର କାର୍ଯ୍ୟକାରିତା ଉପରେ ସ୍ଥଗିତାଦେଶ ଜାରି କରିବାକୁ ବିଶାଳ ତିୱାରୀ ନାମକ ଜଣେ ଓକିଲ ଆବେଦନ କରିଛନ୍ତିି। ଏଥିରେ ସେ ଯୁକ୍ତି କରିଛନ୍ତିି ଯେ ବିରୋଧୀ ଦଳର ଅଧିକାଂଶ ସଦସ୍ୟଙ୍କୁ ନିଲମ୍ବିତ କରାଯାଇ ଏହି ତିନି ବିଲ୍ ସଂସଦରେ ବିନା କୌଣସି ଆଲୋଚନାରେ ପାରିତ ହୋଇଥିଲା। ଅତଏବ ଏହି ତିନି ନୂତନ ଅପରାଧିକ ଆଇନର କାର୍ଯ୍ୟକାରିତା ଆକଳନ କରିବା ପାଇଁ ତୁରନ୍ତ ଏକ ବିଶେଷଜ୍ଞ କମିଟି ଗଠନ କରିବାକୁ କୋର୍ଟଙ୍କୁ ଅନୁରୋଧ କରିଛନ୍ତି ଆବେଦନକାରୀ।