ଚଣ୍ଡିଗଡ଼: ପଞ୍ଜାବ ଏବଂ ହରିୟାଣା ହାଇକୋର୍ଟ ମଙ୍ଗଳବାର ପୂର୍ବତନ ମ୍ୟାନେଜର ରଣଜିତ ସିଂଙ୍କ ହତ୍ୟା ମାମଲାରେ ଡେରା ସଚ୍ଚା ସୌଦା ମୁଖ୍ୟ ଗୁରୁମିତ ରାମ ରହୀମ ସିଂଙ୍କୁ ଦୋଷମୁକ୍ତ କରିଛନ୍ତି।
ସିର୍ସା ସ୍ଥିତ ଡେରାର ମୁଖ୍ୟ ବର୍ତ୍ତମାନ ରୋହତକର ସୁନାରିଆ ଜେଲରେ ଅଛନ୍ତି। ସେ ତାଙ୍କର ଦୁଇ ଶିଷ୍ୟାଙ୍କୁ ବଳାତ୍କାର ଅଭିଯୋଗରେ ୨୦ ବର୍ଷ ଜେଲ୍ ଦଣ୍ଡ କାଟୁଛନ୍ତି।
୨୦୨୧ ମସିହାରେ ସିବିଆଇର ଏକ ସ୍ୱତନ୍ତ୍ର କୋର୍ଟ ରାମ ରହୀମ ଏବଂ ଅନ୍ୟ ଚାରିଜଣଙ୍କୁ ୧୯ ବର୍ଷୀୟ ରଣଜିତ ସିଂ ହତ୍ୟା ମାମଲାରେ ଆଜୀବନ ଜେଲ୍ ଦଣ୍ଡାଦେଶ ଦେଇଥିଲେ।
ହରିୟାଣାର କୁରୁକ୍ଷେତ୍ରରେ ଜୁଲାଇ ୧୦, ୨୦୦୨ରେ ପୂର୍ବତନ ଡେରା ମ୍ୟାନେଜର ରଣଜିତ ସିଂଙ୍କୁ ଗୁଳି କରି ହତ୍ୟା କରାଯାଇଥିଲା।
ଡେରା ମୁଖ୍ୟାଳୟରେ ରାମ ରହୀମ କିପରି ମହିଳାମାନଙ୍କୁ ଯୌନ ଶୋଷଣ କରୁଥିଲେ ସେନେଇ ଏକ ବେନାମି ଚିଠି ପ୍ରସାରିତ କରିବାରେ ସମ୍ପୃକ୍ତ ଥିବା ସନ୍ଦେହରେ ତାଙ୍କୁ ହତ୍ୟା କରାଯାଇଥିଲା। ପଞ୍ଚକୁଲାର ସିବିଆଇ ସ୍ବତନ୍ତ୍ର କୋର୍ଟର ଆଦେଶ ବିରୋଧରେ ରାମ ରହୀମ ହାଇକୋର୍ଟରେ ଆବେଦନ କରିଥିଲେ।
Comments are closed.