ନୂଆଦିଲ୍ଲୀ : ପେଟ୍ରୋଲ ଏବଂ ଡିଜେଲ ଉପରେ ଅଧିକ କମିସନ ଦାବି କରି ଆଜି ଦେଶର ପ୍ରାୟ ୭୦ ହଜାର ପେଟ୍ରୋଲ ପମ୍ପ ଡିଲର୍ ଧର୍ମଘଟ ଡାକରା ଦେଇଛନ୍ତି । ପେଟ୍ରୋଲ ପମ୍ପ ମାଲିକମାନେ ଆଜି ତେଲ କମ୍ପାନୀ ଗୁଡ଼ିକରୁ ପେଟ୍ରୋଲ ଏବଂ ଡିଜେଲ କଣିବେନି ବୋଲି କହିଛନ୍ତି ।
ପମ୍ପ ମାଲିକମାନେ କହିଛନ୍ତି ଯେ ପେଟ୍ରୋଲ ଏବଂ ଡିଜେଲର ଖୁଚୁରା ମୂଲ୍ୟ ବୃଦ୍ଧି ପରେ ପେଟ୍ରୋଲିୟମ କମ୍ପାନୀଗୁଡିକ ବହୁ ଲାଭ କରୁଛନ୍ତି, କିନ୍ତୁ ଡିଲରଙ୍କ କମିଶନରେ କୌଣସି ବୃଦ୍ଧି ଘଟିନାହିଁ। ମଙ୍ଗଳବାର ଦେଶର ୨୪ ଟି ରାଜ୍ୟରେ ପ୍ରାୟ ୭୦ ହଜାର ପେଟ୍ରୋଲ ପମ୍ପ ମାଲିକ ସେମାନଙ୍କ କମିଶନ ବୃଦ୍ଧି ପାଇଁ ତୈଳ କମ୍ପାନୀ ଦାବିକୁ ବିରୋଧ କରୁଛନ୍ତି। ଗୋଟିଏ ଦିନ ପାଇଁ କମ୍ପାନୀଗୁଡିକରୁ ତେଲ ନ କିଣିବାକୁ ସେମାନେ ଘୋଷଣା କରିଛନ୍ତି।
ପେଟ୍ରୋଲ ଡିଲରଙ୍କ ଧର୍ମଘଟ ଯୋଗୁଁ ତୈଳର ଖୁଚୁରା ବିକ୍ରୟ ଉପରେ କୌଣସି ପ୍ରଭାବ ପଡ଼ିବ ନାହିଁ କିମ୍ବା ଗ୍ରାହକଙ୍କୁ କୌଣସି ଅସୁବିଧା ହେବ ନାହିଁ ବୋଲି ଦିଲ୍ଲୀ ପେଟ୍ରୋଲ ଡିଲର ଆସୋସିଏସନର ସଭାପତି ଅନୁରାଗ ଜେନା କହିଛନ୍ତି ଯେ । ପେଟ୍ରୋଲ ପମ୍ପଗୁଡ଼ିକରେ ଦୁଇ ଦିନରଳ ପାଇଁ ଷ୍ଟକ୍ ଅଛି | ତେଣୁ ସେମାନେ ମଙ୍ଗଳବାର ଦିନ ଖୁଚୁରା ଗ୍ରାହକଙ୍କୁ ପେଟ୍ରୋଲ ଏବଂ ଡିଜେଲ ବିକ୍ରି କରିବେ। ଏହାର ପ୍ରଭାବ କେବଳ କମ୍ପାନୀଗୁଡିକରୁ କ୍ରୟ ମଧ୍ୟରେ ସୀମିତ ରହିବ |
Comments are closed.