ଜୟନ୍ତୀରେ ମହାତ୍ମା ଗାନ୍ଧୀ, ଲାଲ ବାହାଦୂର ଶାସ୍ତ୍ରୀଙ୍କୁ ପ୍ରଧାନମନ୍ତ୍ରୀ ମୋଦୀଙ୍କ ଶ୍ରଦ୍ଧାଞ୍ଜଳି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ୧୫୨ ତମ ଜନ୍ମ ବାର୍ଷିକୀରେ ଜାତିର ପିତା ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ଏବଂ ବାପୁଙ୍କୁ ଶ୍ରଦ୍ଧାଞ୍ଜଳି ସ୍ୱରୂପ ଖଦୀ ଏବଂ ହସ୍ତତନ୍ତ ସାମଗ୍ରୀ କିଣିବାକୁ ଲୋକଙ୍କୁ ଅନୁରୋଧ କରିଛନ୍ତି।

ଅକ୍ଟୋବର ୨ରେ ସେ ତାଙ୍କ ଜନ୍ମ ବାର୍ଷିକୀରେ ଭାରତର ଦ୍ୱିତୀୟ ପ୍ରଧାନମନ୍ତ୍ରୀ ଲାଲ ବାହାଦୂର ଶାସ୍ତ୍ରୀଙ୍କୁ ମଧ୍ୟ ସ୍ମରଣ କରିଛନ୍ତି ଏବଂ କହିଛନ୍ତି ଯେ ଶାସ୍ତ୍ରୀଙ୍କ ସରଳତା ଏବଂ ନିଷ୍ପତ୍ତି ନେବା ଦକ୍ଷତା ଯୋଗୁଁ ତାଙ୍କୁ ସାରା ଦେଶରେ ସେ ପ୍ରଶଂସିତ ।

ପ୍ରଧାନମନ୍ତ୍ରୀ ଶାସ୍ତ୍ରୀଙ୍କ ଜୀବନ ଯାତ୍ରା ଏବଂ ସଫଳତାକୁ ଦର୍ଶାଉଥିବା ଦିଲ୍ଲୀର ‘ପ୍ରଧାନମନ୍ତ୍ରୀ ସଂଗ୍ରହାଳୟ’ ତାଙ୍କ ଗ୍ୟାଲେରୀର କିଛି ଝଲକ ମଧ୍ୟ ସେୟାର କରିଛନ୍ତି। ଏହି ସଂଗ୍ରହାଳୟ ପରିଦର୍ଶନ କରିବାକୁ ସେ ଦେଶବାସୀଙ୍କୁ ମଧ୍ୟ ଅନୁରୋଧ କରିଛନ୍ତି।

ଏହି ଟୁଇଟ୍ ସହିତ ପ୍ରଧାନମନ୍ତ୍ରୀ ମୋଦୀ ବିଭିନ୍ନ ସମୟରେ ଶାସ୍ତ୍ରୀଙ୍କୁ ଦେଇଥିବା ଶ୍ରଦ୍ଧାଞ୍ଜଳି ସମ୍ବନ୍ଧୀୟ ଏକ ଭିଡିଓ ମଧ୍ୟ ସେୟାର କରିଛନ୍ତି।

ମହାତ୍ମା ଗାନ୍ଧୀ ୨ ଅକ୍ଟୋବର ୧୮୬୯ରେ ଗୁଜରାଟର ପୋରବନ୍ଦରରେ ଜନ୍ମଗ୍ରହଣ କରିଥିଲେ। ତାଙ୍କ ଜନ୍ମଦିନ ଗାନ୍ଧୀ ଜୟନ୍ତୀ ତଥା ଆନ୍ତର୍ଜାତୀୟ ଅହିଂସା ଦିବସ ଭାବରେ ପାଳନ କରାଯାଏ। ସେ ବ୍ରିଟିଶ ଶାସନରୁ ଭାରତର ସ୍ୱାଧୀନତା ସଂଗ୍ରାମର ନେତୃତ୍ୱ ନେଇଥିଲେ। ଅହିଂସା ବିରୋଧର ତାଙ୍କର ଶିକ୍ଷା ସାରା ବିଶ୍ୱରେ ସସମ୍ମାନେ ସ୍ମରଣ କରାଯାଏ |

ପ୍ରଧାନମନ୍ତ୍ରୀ ମୋଦୀ ମଧ୍ୟ ଶାସ୍ତ୍ରୀଙ୍କ ସମାଧିସ୍ଥଳ ବିଜୟ ଘାଟ ପରିଦର୍ଶନ କରି ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଶାସ୍ତ୍ରୀ ଭାରତର ଦ୍ୱିତୀୟ ପ୍ରଧାନମନ୍ତ୍ରୀ ଥିଲେ। ସେ ୨ ଅକ୍ଟୋବର ୧୯୦୪ରେ ଉତ୍ତର ପ୍ରଦେଶରେ ଜନ୍ମଗ୍ରହଣ କରିଥିଲେ। ଲୋକମାନେ ତାଙ୍କର ସରଳତା ଏବଂ ନମ୍ରତାର ପ୍ରଶଂସକ ଥିଲେ | ସେ ୧୯୬୫ରେ ଭାରତ-ପାକିସ୍ତାନ ଯୁଦ୍ଧ ସମୟରେ ‘ଜୟ ଜୱାନ ଜୟ କିସାନ’ ସ୍ଲୋଗାନ ଦେଇଥିଲେ।