ଚଣ୍ଡିଗଡ଼: ପଞ୍ଜାବରେ ଲୋକସଭା ନିର୍ବାଚନ ପୂର୍ବରୁ କଂଗ୍ରେସକୁ ବଡ଼ ଝଟକା ଲାଗିଛି। ପ୍ରିୟଙ୍କା ଗାନ୍ଧୀଙ୍କ ଘନିଷ୍ଠ ସହଯୋଗୀ କୁହାଯାଉଥିବା ତେଜିନ୍ଦର ସିଂହ ବିଟୁ କଂଗ୍ରେସରୁ ଇସ୍ତଫା ଦେଇଛନ୍ତି। ସେ କଂଗ୍ରେସର ସାଧାରଣ ସମ୍ପାଦକ ଓ ଦଳର ହିମାଚଳ ପ୍ରଦେଶ ସହପ୍ରଭାରୀ ଥିଲେ। ସୂତ୍ରରୁ ପ୍ରକାଶ ଯେ ବିଟୁ ଆଜି ବିଜେପିରେ ଯୋଗ ଦେଇପାରନ୍ତି।
ସୋସିଆଲ ମିଡିଆରେ ତାଙ୍କ ଇସ୍ତଫା ପତ୍ରର ଏକ କପି ସେୟାର କରି ବିଟୁ କହିଛନ୍ତି ଯେ ୩୬ ବର୍ଷର ସମ୍ପର୍କ ପରେ ସେ ଦୁଃଖର ସହିତ କଂଗ୍ରେସରୁ ଇସ୍ତଫା ଦେଉଛନ୍ତି। ସିମଲା ମହାନଗର ନିଗମ ନିର୍ବାଚନରେ କଂଗ୍ରେସର ବିଜୟରେ ତେଜିନ୍ଦର ପାଲ ସିଂହ ବିଟୁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଗତକାଲି ସିମଲା ମହାନଗର ନିଗମ ନିର୍ବାଚନରେ କଂଗ୍ରେସ ୩୪ଟି ଆସନରୁ ୨୪ରେ ଜିତିଥିଲା।
ବିଟୁ ଆଜି କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିପାରନ୍ତି। ତାଙ୍କ ସହ ପଞ୍ଜାବ ଏବଂ ହିମାଚଳର ଅନେକ କଂଗ୍ରେସ ନେତା ବିଜେପିରେ ଯୋଗ ଦେବା ସମ୍ଭାବନା ରହିଛି।
Comments are closed.