ନୂଆଦିଲ୍ଲୀ: ଫୁଟବଲ ସୁପରଷ୍ଟାର କ୍ରିଷ୍ଟିଆନୋ ରୋନାଲ୍ଡୋଙ୍କ ନବଜାତ ଜାଆଁଳା ପୁତ୍ର ସନ୍ତାନର ପ୍ରସବ ସମୟରେ ମୃତ୍ୟୁ ହୋଇଛି। ଏହି ମାଞ୍ଚେଷ୍ଟର ୟୁନାଇଟେଡ ଷ୍ଟାର ଟ୍ୱିଟ୍ କରି ଏହି ଦୁଃଖଦ ସୂଚନା ଦେଇଛନ୍ତି। କ୍ରିଷ୍ଟିଆନୋ ରୋନାଲ୍ଡୋ ତାଙ୍କ ଟ୍ବିଟରେ ଲେଖିଛନ୍ତି, ‘ଏହା ଅତ୍ୟନ୍ତ ଦୁଃଖର ବିଷୟ ଯେ ଆମ ନବଜାତ ପୁତ୍ରର ମୃତ୍ୟୁ ହୋଇଛି | ଯେକୌଣସି ପିତାମାତାଙ୍କ ପାଇଁ ଏହା ହେଉଛି ସବୁଠାରୁ ବଡ଼ ଦୁଃଖ | କେବଳ ଆମର ଶିଶୁ କନ୍ୟାର ଜନ୍ମ ଆମକୁ କିଛି ଆଶା ଏବଂ ସୁଖ ସହିତ ଏହି ମୁହୂର୍ତ୍ତରେ ବଞ୍ଚିବାକୁ ଶକ୍ତି ଦେଇଛି | ଆମକୁ ସମର୍ଥନ କରୁଥିବା ସମସ୍ତ ଡାକ୍ତର ଏବଂ ନର୍ସମାନଙ୍କୁ ଆମେ ଧନ୍ୟବାଦ ଦେଉଛୁ |”
କ୍ରିଷ୍ଟିଆନୋ ରୋନାଲ୍ଡୋ ଏବଂ ତାଙ୍କ ପାର୍ଟନର ଜର୍ଜିନା ରଡ୍ରିଗ୍ବେଜ୍ ଅକ୍ଟୋବରରେ ଘୋଷଣା କରିଥିଲେ ଯେ ସେମାନେ ଯାଆଁଳା ଶିଶୁର ପିତାମାତା ହେବାକୁ ଯାଉଛନ୍ତି। ଉଭୟ ଡାକ୍ତରଖାନାର ଏକ ଫଟୋ ସେୟାର କରିଥିଲେ। ନବଜାତ ଝିଅଟି ସୁରକ୍ଷିତ ଥିବାବେଳେ ଏହି ଦୁଇ ସନ୍ତାନର ପ୍ରସବ ସମୟରେ ପୁଅର ମୃତ୍ୟୁ ହୋଇଛି।
Comments are closed.