ବିଶିଷ୍ଟ ସନ୍ତୁର ବାଦକ ପଣ୍ଡିତ ଭଜନ ସୋପୋରିଙ୍କ ପରଲୋକ

ନୂଆଦିଲ୍ଲୀ: ବିଶିଷ୍ଟ ସନ୍ତୁର ବାଦକ ପଣ୍ଡିତ ଭଜନ ସୋପୋରିଙ୍କ ଗୁରୁବାର ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୭୩ ବର୍ଷ ହୋଇଥିଲା । ସେ ଦୀର୍ଘ ଦିନ ଧରି ଅସୁସ୍ଥ ଥିଲେ। ଗୁରୁଗ୍ରାମର ଫୋର୍ଟିସ୍ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ସୋପୋରିଙ୍କ ଦେହାନ୍ତ ହୋଇଥିବା ପରିବାର ପକ୍ଷରୁ ସୂଚନା ଦିଆଯାଇଛି।

ସୋପୋରିଙ୍କ ପତ୍ନୀ ଏବଂ ଦୁଇ ପୁଅ ସୌରଭ ଏବଂ ଅଭୟ ଅଛନ୍ତି। ଉଭୟ ପୁଅ ମଧ୍ୟ ସନ୍ତୁର ବାଦକ | ସୋପୋରିଙ୍କୁ ଅନେକ ପୁରସ୍କାର ଓ ସମ୍ମାନରେ ସମ୍ମାନିତ କରାଯାଇଛି | ଏଥିମଧ୍ୟରେ ୨୦୦୪ ରେ ପଦ୍ମଶ୍ରୀ, ୧୯୯୨ ରେ ସଂଗୀତ ନାଟକ ଏକାଡେମୀ ପୁରସ୍କାର ଏବଂ ଜାମ୍ମୁ କାଶ୍ମୀରର ଷ୍ଟେଟ୍ ଲାଇଫ୍ ଟାଇମ୍ ଆଚିଭମେଣ୍ଟ ପୁରସ୍କାର ଅନ୍ତର୍ଭୁକ୍ତ | ସୋପୋରି ୱାଶିଂଟନ୍ ବିଶ୍ୱବିଦ୍ୟାଳୟରୁ ପାଶ୍ଚାତ୍ୟ ଶାସ୍ତ୍ରୀୟ ସଙ୍ଗୀତ ଏବଂ ତାଙ୍କ ପିତା ଏବଂ ଜେଜେ ବାପାଙ୍କ ଠାରୁ ହିନ୍ଦୁସ୍ତାନୀ ସଂଗୀତ ଶିଖିଥିଲେ |

ପଣ୍ଡିତ ସୋପୋରି ୧୯୪୮ ମସିହାରେ ଶ୍ରୀନଗରରେ ଜନ୍ମଗ୍ରହଣ କରିଥିଲେ। ତାଙ୍କର ସମ୍ପୂର୍ଣ୍ଣ ନାମ ଭଜନ ଲାଲ ସୋପୋରି । ତାଙ୍କ ପିତା ପଣ୍ଡିତ ଶମ୍ଭୁନାଥ ସୋପୋରି ମଧ୍ୟ ଜଣେ ଜଣାଶୁଣା ସନ୍ତୁର ବାଦକ ଥିଲେ | ଭଜନ ସୋପୋରି କାଶ୍ମୀରର ପ୍ରସିଦ୍ଧ ସୋପୋରି ସୁଫିଆନା ପରିବାରର ବଂଶଜ ଅଟନ୍ତି | ଭଜନ ସୋପାରି ଭାରତୀୟ ଶାସ୍ତ୍ରୀୟ ସଙ୍ଗୀତ କ୍ଷେତ୍ରରେ ସୋପୋରି ବାଜର ସ୍ଥାପନା କରିଥିଲେ | ଶାସ୍ତ୍ରୀୟ ସଙ୍ଗୀତ କ୍ଷେତ୍ରରେ ଅବଦାନ ପାଇଁ ପଦ୍ମଶ୍ରୀ, ସଂଗୀତ ନତାକ ଏକାଡେମୀ ପୁରସ୍କାର, ଜମ୍ମୁକାଶ୍ମୀର ଷ୍ଟେଟ୍ ଲାଇଫ୍ ଟାଇମ୍ ଆଚିଭମେଣ୍ଟ ପୁରସ୍କାର ଆଦି ପ୍ରମୁଖ ପୁରସ୍କାର ପ୍ରାପ୍ତ ଥିଲେ।