ଏସବିଆଇ ଗ୍ରାହକଙ୍କ ପାଇଁ ଖୁସି ଖବର ! ବ୍ୟାଙ୍କ ନ ଯାଇ ଏବେ ହ୍ବାଟସଆପରେ କରିପାରିବେ ଏହି ସବୁ କାମ 

ନୂଆଦିଲ୍ଲୀ: ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ (ଏସବିଆଇ)ର ଗ୍ରାହକଙ୍କ ପାଇଁ ଖୁସି ଖବର । ଏବେ ଆପଣଙ୍କୁ ବ୍ୟାଙ୍କ ସହ ଜଡିତ ଛୋଟ କାମ ପାଇଁ ବ୍ୟାଙ୍କକୁ ଯାଇ ଆଉ ଲାଇନରେ ଛିଡ଼ା ହେବାକୁ ପଡ଼ିବ ନାହିଁ | ଏସବିଆଇ ନିକଟରେ ନିଜ ଗ୍ରାହକଙ୍କ ପାଇଁ ହ୍ବାଟସଆପ୍ ବ୍ୟାଙ୍କିଙ୍ଗ୍ ସେବା ଆରମ୍ଭ କରିଛି।

ଏହି ସେବାଗୁଡିକ ଏସବିଆଇର ହ୍ବାଟସଆପ୍ ବ୍ୟାଙ୍କିଙ୍ଗ୍ ମାଧ୍ୟମରେ ଉପଲବ୍ଧ ହେବ |

ନିମ୍ନଲିଖିତ ସୂଚନା ଜାଣିବା ପାଇଁ ଆପଣ ଏସବିଆଇର ହ୍ବାଟସଆପ୍ ବ୍ୟାଙ୍କିଙ୍ଗ୍ ସେବା ବ୍ୟବହାର କରିପାରିବେ:

୧. ଆକାଉଣ୍ଟ ବାଲାନ୍ସ

୨. ମିନି ଷ୍ଟେଟମେଣ୍ଟ (ଶେଷ ୫ କାରବାର)

ଏସବିଆଇ କହିଛି ଯେ ବର୍ତ୍ତମାନ ଏହାର ଗ୍ରାହକ ୟୋନୋ ଆପରେ ଲଗ୍ ନକରି କିମ୍ବା ମିନି ଷ୍ଟେଟମେଣ୍ଟ ପାଇଁ ଏଟିଏମକୁ ନଯାଇ ହ୍ବାଟସଆପରେ ଏହି ସୂଚନା ପାଇପାରିବେ।  ଯଦି ଆପଣଙ୍କର ଏସବିଆଇରେ ଆକାଉଣ୍ଟ୍ ଅଛି ଏବଂ ନୂଆ ଏସବିଆଇ ହ୍ବାଟସଆପ୍ ବ୍ୟାଙ୍କିଙ୍ଗ୍ ସୁବିଧା ବ୍ୟବହାର କରିବାକୁ ଚାହୁଁଛନ୍ତି, ତେବେ ଆପଣଙ୍କୁ ହ୍ବାଟସଆପ୍ ସେବା ପାଇଁ ଆପଣଙ୍କର ଏସବିଆଇ ଆକାଉଣ୍ଟ ରେଜିଷ୍ଟର କରିବାକୁ ପଡ଼ିବ ଏବଂ ପ୍ରଥମେ ଏକ ଏସ୍ଏମ୍ଏସ୍ ମାଧ୍ୟମରେ ଆପଣଙ୍କ ସମ୍ମତି ଦେବାକୁ ପଡିବ |

ଏସବିଆଇର ହ୍ବାଟସଆପ୍ ବ୍ୟାଙ୍କିଙ୍ଗ୍ ସେବା ପାଇଁ କିପରି ପଞ୍ଜିକରଣ କରିବେ:

ଷ୍ଟେପ୍ ୧: ବ୍ୟାଙ୍କ ଆକାଉଣ୍ଟକୁ ଏସବିଆଇ ହ୍ବାଟସଆପ୍ ବ୍ୟାଙ୍କିଙ୍ଗ୍ ସେବା ସହିତ ପଞ୍ଜିକରଣ କରିବାକୁ ଆପଣଙ୍କର ପଞ୍ଜୀକୃତ ମୋବାଇଲ୍ ନମ୍ବରରୁ SMS WAREG A / C No ଲେଖି (୯୧୭୨୦୮୯୩୩୧୪୮)କୁ ପଠାନ୍ତୁ | ଥରେ ପଞ୍ଜୀକରଣ ସମ୍ପୂର୍ଣ୍ଣ ହୋଇଗଲେ ଆପଣ ଏସବିଆଇର ହ୍ବାଟସଆପ୍ ସେବା ବ୍ୟବହାର କରିବାକୁ ସମର୍ଥ ହେବେ |

ଷ୍ଟେପ୍ ୨: ହ୍ବାଟସଆପ୍ (+୯୦୯୦୨୨୬୯୦୨୨୬) ରେ Hi ଲେଖି ପଠାନ୍ତୁ | ଏହା ପପ୍ ଅପ୍ ମେସେଜ୍ ଖୋଲିବ |

ଷ୍ଟେପ୍ ୩ : ଏବେ ଆପଣଙ୍କୁ ଆକାଉଣ୍ଟ୍ ବାଲାନ୍ସ, ମିନି ଷ୍ଟେଟମେଣ୍ଟ, ହ୍ବାଟସଆପ୍ ବ୍ୟାଙ୍କିଙ୍ଗ୍ ସେବା ଡି-ରେଜିଷ୍ଟର ବିକଳ୍ପ ଦିଆଯିବ |

ଷ୍ଟେପ୍ ୪: ଆକାଉଣ୍ଟ୍ ବାଲାନ୍ସ ଯାଞ୍ଚ କରିବାକୁ ଆପଣଙ୍କୁ ୧ ଏବଂ ମିନି ଷ୍ଟେଟମେଣ୍ଟ ପାଇଁ ୨ ଟାଇପ୍ କରିବାକୁ ପଡିବ |