ପୃଥିବୀର ଦ୍ୱିତୀୟ କକ୍ଷରେ ପ୍ରବେଶ କଲା ଚନ୍ଦ୍ରଯାନ-୩

ନୂଆଦିଲ୍ଲୀ: ଚନ୍ଦ୍ରଯାନ-୩ର ଦ୍ବିତୀୟ ଅର୍ବିଟ ରେଇଜିଂ ମାନ୍ୟୁଭରିଂ ସୋମବାର ସଫଳତାର ସହ ସମ୍ପନ୍ନ ହୋଇଛି । ଅର୍ଥାତ ଚନ୍ଦ୍ରଯାନ-୩ ପୃଥିବୀର ଦ୍ୱିତୀୟ କକ୍ଷପଥରେ ପ୍ରବେଶ କରିଛି | ଇସ୍ରୋ ଏକ ବିବୃତ୍ତି ଜାରି କରି ଏହି ସୂଚନା ଦେଇଛି | ଇସ୍ରୋ ସୂଚନା ଅନୁଯାୟୀ ଚନ୍ଦ୍ରଯାନ-୩ ବର୍ତ୍ତମାନ ପୃଥିବୀଠାରୁ ୪୧,୬୦୩ ଗୁଣା ୨୨୬ କିଲୋମିଟର ଦୂରରେ ଅବସ୍ଥିତ ଏକ କକ୍ଷପଥରେ ଉପସ୍ଥିତ ଅଛି।

ଏହା ପୂର୍ବରୁ ରବିବାର ଚନ୍ଦ୍ରଯାନ-୩ ପୃଥିବୀର ପ୍ରଥମ କକ୍ଷପଥରେ ପ୍ରବେଶ କରିଥିଲା । ଏବେ ଆସନ୍ତାକାଲି ଚନ୍ଦ୍ରଯାନ ପୁଣି ପରବର୍ତ୍ତୀ କକ୍ଷପଥରେ ପ୍ରବେଶ କରିବ | ଇସ୍ରୋ ଜୁଲାଇ ୧୪ରେ ସଫଳତାର ସହିତ ଚନ୍ଦ୍ରଯାନ-୩ର ଉତକ୍ଷେପଣ କରିଥିଲା | ଏହା ହେଉଛି ଭାରତର ତୃତୀୟ ଚନ୍ଦ୍ର ମିଶନ। ଚନ୍ଦ୍ରଯାନ-୩ ମିଶନର ପ୍ରଥମ ପ୍ରାଥମିକତା ହେଉଛି ଚନ୍ଦ୍ରର ଦକ୍ଷିଣ ମେରୁରେ ସଫଳତାର ସହ ସଫ୍ଟ ଲ୍ୟାଣ୍ଡିଂ କରିବା। ଯଦି ଭାରତ ଏଥିରେ ସଫଳ ହୁଏ, ତେବେ ଏଭଳି କରିବାରେ ବିଶ୍ବର ଚତୁର୍ଥ ଦେଶ ହେବ। ଏପର୍ଯ୍ୟନ୍ତ କେବଳ ଆମେରିକା, ରୁଷ ଏବଂ ଚୀନ୍ ଏହି ସଫଳତା ହାସଲ କରିଛନ୍ତି।

ଚନ୍ଦ୍ର ମିଶନ୍’ ହେଉଛି ୨୦୧୯ ‘ଚନ୍ଦ୍ରଯାନ-୨’ର ଏକ ଫଲୋଅପ୍ ମିଶନ୍ | ଚନ୍ଦ୍ରଯାନ-୨ ମିଶନର ଶେଷ ମୁହୂର୍ତ୍ତରେ ଲ୍ୟାଣ୍ଡର ‘ବିକ୍ରମ’ ସଫ୍ଟ ଲ୍ୟାଣ୍ଡିଂ କରିପାରିନଥିଲା।