ଥିରୁବନନ୍ତପୁରମ୍: କଂଗ୍ରେସ ସାଂସଦ ଶଶି ଥରୁର ବିଜେପି ନେତୃତ୍ବାଧୀନ କେନ୍ଦ୍ର ସରକାରଙ୍କ ‘ଗୋଟିଏ ଦେଶ, ଗୋଟିଏ ନିର୍ବାଚନ’ ପ୍ରସ୍ତାବକୁ ସମାଲୋଚନା କରିଛନ୍ତି । ଭାରତ ଭଳି ଦେଶରେ ଏପରି ବ୍ୟବସ୍ଥା ସମ୍ଭବ ନୁହେଁ ବୋଲି ସେ କହିଛନ୍ତି।
କଂଗ୍ରେସ କାର୍ଯ୍ୟକାରିଣୀ କମିଟି (ସିଡବ୍ଲ୍ୟୁସି) ର ସଦସ୍ୟ ହେବା ପରେ ଥରୁର ତାଙ୍କ ଲୋକସଭା ନିର୍ବାଚନମଣ୍ଡଳୀକୁ ପ୍ରଥମ ଗସ୍ତରେ ଯାଇ ସାମ୍ବାଦିକମାନଙ୍କୁ କହିଛନ୍ତି ଯେ ସରକାରଙ୍କ ‘ଗୋଟିଏ ଦେଶ, ଗୋଟିଏ ନିର୍ବାଚନ’ ପଦକ୍ଷେପ ସଂସଦୀୟ ଗଣତନ୍ତ୍ରର ବିରୁଦ୍ଧ, ଯେଉଁଠି କୌଣସି ଦଳ ବହୁମତ ହରାଇଲେ କ୍ଷମତାରେ ରହନ୍ତି ନାହିଁ । ଏପରି କୌଣସି ବ୍ୟାବହାରିକ ଉପାୟ ନାହିଁ ଯାହା ମାଧ୍ଯମରେ ଆପଣ ଏପରି ବ୍ୟବସ୍ଥା କାର୍ଯ୍ୟକାରୀ କରିପାରିବେ।
ସଂସଦର “ସ୍ବତନ୍ତ୍ର ଅଧିବେଶନ” ଡାକିବାର ଦିନକ ପରେ ସରକାର ଶୁକ୍ରବାର ‘ଗୋଟିଏ ଦେଶ, ଗୋଟିଏ ନିର୍ବାଚନ’ ଲାଗୁ କରିବା ସମ୍ଭାବନା ସମ୍ପର୍କରେ ତର୍ଜମା କରିବା ପାଇଁ ପୂର୍ବତନ ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ନେତୃତ୍ୱରେ ଏକ କମିଟି ଗଠନ କରିଥିଲେ ।
ଶଶି ଥରୁର କହିଛନ୍ତି, ଦେଶର ମୁଖ୍ୟ ବ୍ୟବସ୍ଥାପିକା ଚୟନ ସଂସଦୀୟ ଏବଂ ବିଧାନସଭା ବହୁମତ ଦ୍ୱାରା ହୋଇଥାଏ ।କୌଣସି କାରଣରୁ ବହୁମତ ହ୍ରାସ ପାଇଲେ ସରକାରର ପତନ ହୋଇଥାଏ । ତା’ପରେ କ୍ୟାଲେଣ୍ଡର ଅନୁଯାୟୀ ପୁଣି ନିର୍ବାଚନ କରିବାକୁ ପଡ଼ିଥାଏ ।
ସେ କହିଛନ୍ତି, ୧୯୪୭ ରୁ ୧୯୬୭ ମଧ୍ୟରେ ଭାରତରେ ସମସ୍ତ ଜାତୀୟ ତଥା ରାଜ୍ୟ ନିର୍ବାଚନ ଏକକାଳୀନ ଅନୁଷ୍ଠିତ ହୋଇଥିଲା । କିନ୍ତୁ ୧୯୬୭ରେ ମେଣ୍ଟ ସରକାରର ପତନ ପରେ ଓ କ୍ୟାଲେଣ୍ଡର ଅତିକ୍ରମ ହେବା ପରେ ଏହି ବ୍ୟବସ୍ଥା ଭୁଶୁଡି ପଡିଥିଲା।
Comments are closed.