ମୁମ୍ବାଇ: ମାଲାବାର ଗୋଲ୍ଡ ଆଣ୍ଡ୍ ଡାଏମଣ୍ଡ୍ ଓ ଟାଇଟନ ସହ ଅନ୍ୟ ଚାରି ଭାରତୀୟ ଅଳଙ୍କାର କମ୍ପାନୀ ବିଶ୍ୱରେ ଶ୍ରେଷ୍ଠ ୧୦୦ ଲଗଜରି ସାମଗ୍ରୀ ନିର୍ମାତାଙ୍କ ତାଲିକାରେ ସ୍ଥାନ ପାଇଛନ୍ତି।
ଏହି ତାଲିକାରେ ୧୯ତମ ସ୍ଥାନ ସହ ମାଲାବାର ଗୋଲ୍ଡ ଭାରତର ଅଗ୍ରଣୀ ଘରୋଇ କମ୍ପାନୀ ହୋଇପାରିଛି | ଏହା ପରେ ଟାଟା ଗ୍ରୁପର ଟାଇଟନ୍ କମ୍ପାନୀ ୨୪ତମ ସ୍ଥାନରେ ରହିଛି । ଅଳଙ୍କାର ନିର୍ମାତା କଲ୍ୟାଣ ଜୁଏଲର୍ସ ଏବଂ ଆନନ୍ଦ ଅଲୁକ୍କାସ୍ ଡେଲଏଟ୍ ଗ୍ଲୋବାଲ୍ ଲଗଜରି ସାମଗ୍ରୀ ତାଲିକା ୨୦୨୩ରେ ଯଥାକ୍ରମେ ୪୬ ଓ ୪୭ତମ ସ୍ଥାନରେ ରହିଛନ୍ତି |
ଏହି ତାଲିକାରେ ଥିବା ଅନ୍ୟ ଦୁଇ ଭାରତୀୟ କମ୍ପାନୀ ଅଳଙ୍କାର ନିର୍ମାତା ସେନକୋ ଗୋଲ୍ଡ ଆଣ୍ଡ ଡାଏମଣ୍ଡ ଏବଂ ଥାଙ୍ଗାମାଇଲ ଜୁଏଲାରୀ ଯଥାକ୍ରମେ ୭୮ ଓ ୯୮ତମ ସ୍ଥାନରେ ରହିଛନ୍ତି ।
ବିଭିନ୍ନ କ୍ଷେତ୍ରରେ କାର୍ଯ୍ୟ କରୁଥିବା ଫ୍ରାନ୍ସର ଲଗଜରି କମ୍ପାନୀ ଏଲଭିଏମ୍ଏଚ୍ ଏହି ତାଲିକାର ଶୀର୍ଷରେ ଅଛି |
ରିପୋର୍ଟରେ କୁହାଯାଇଛି, ଲଗଜରି ଆଇଟମ୍ ଚାହିଦା ଆହୁରି ବୃଦ୍ଧି ପାଇବ ବୋଲି ଆଶା କରାଯାଉଛି ଯାହା ଘରୋଇ ବ୍ରାଣ୍ଡ୍ ଗୁଡ଼ିକୁ ଆନ୍ତର୍ଜାତୀୟ ସ୍ତରରେ ଉଭା ହେବା ପାଇଁ ଯଥେଷ୍ଟ ସୁଯୋଗ ଦେବ।
ଶ୍ରେଷ୍ଠ ୧୦୦ ଲଗଜରି ସାମଗ୍ରୀ ବିକ୍ରେତାମାନେ ୨୦୨୩ରେ ୩୪୭ ବିଲିୟନ ଡ଼ଲାରର କାରବାର କରିଥିଲେ ଯାହା ଗତବର୍ଷ ତୁଳନାରେ ୧୩.୪ ପ୍ରତିଶତ ଅଧିକ।
Comments are closed.