କୋଲକାତା: କୋଲକାତା ପୌର ନିଗମ ନିର୍ବାଚନ (କେଏମସି) ରେ ତୃଣମୂଳ କଂଗ୍ରେସ ବିପୁଳ ବିଜୟ ଅଭିମୁଖେ ଅଗ୍ରସର ହେଉଛି । ଭୋଟ ଗଣତି ଚାଲିଥିବା ବେଳେ ତୃଣମୂଳ କଂଗ୍ରେସ ଏଯାବତ୍ ୧୩୪ଟି ଆସନରେ ଆଗୁଆ ରହିଛି। ବିଜେପି ମାତ୍ର ୨ଟି ଆସନରେ ଆଗୁଆ ରହିଥିବା ବେଳେ କଂଗ୍ରେସ ଏବଂ ବାମପନ୍ଥୀ ଦଳ ମଧ୍ୟ ଦୁଇଟି ଆସନରେ ଅଗ୍ରଣୀ ରହିଛନ୍ତି। କେଏମସି ନିର୍ବାଚନରେ ୧୪୪ ଟି ଓ୍ବାର୍ଡରେ ନିର୍ବାଚନ ହୋଇଥିଲା। ଗତ ପୌର ନିର୍ବାଚନରେ ଟିଏମସି ୧୧୪ଟି ସିଟ୍ ଜିତିଥିଲା।
ଡିସେମ୍ବର ୨୦ରେ ଅନୁଷ୍ଠିତ କେଏମସି ନିର୍ବାଚନରେ ବିଜେପି ଟିଏମସିକୁ ଭୋଟ୍ ଲୁଟ୍ କରିଥିବା ଅଭିଯୋଗ କରିଥିଲା। ବିଧାନସଭାରେ ବିରୋଧୀ ଦଳର ନେତା ଶୁଭେନ୍ଦୁ ଅଧିକାରୀ ରବିବାର ରାଜ୍ୟ ନିର୍ବାଚନ ଆୟୋଗ ନିକଟରେ ପୁନଃ ନିର୍ବାଚନ କରିବାକୁ ଦାବି କରିଛନ୍ତି। ତାଙ୍କ ଦାବି ଉପରେ ଶୁଣାଣି ହୋଇନଥିବାରୁ ସେ ବିଜେପିର ଏକ ପ୍ରତିନିଧୀ ଦଳ ସହ ରାଜ୍ୟ ନିର୍ବାଚନ କମିଶନରଙ୍କ କାର୍ଯ୍ୟାଳୟ ଭିତରେ ଧାରଣାରେ ବସିଥିଲେ। କୋଲକାତାରେ ସମୁଦାୟ ୧୭୭୬ ବୁଥରେ ମତଦାନ ହୋଇଥିଲା |
Comments are closed.