ମୁମ୍ବାଇ: ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଅନେକ ବିଦ୍ରୋହୀ ଶିବସେନା ମନ୍ତ୍ରୀଙ୍କଠାରୁ ସେମାନଙ୍କ ବିଭାଗ ଛଡ଼ାଇ ନେଇଛନ୍ତି। ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ଅନୁଯାୟୀ, ସେମାନଙ୍କ ସ୍ଥାନରେ ଏହି ବିଭାଗଗୁଡିକ ଅନ୍ୟ ମନ୍ତ୍ରୀମାନଙ୍କୁ ଦିଆଯାଇଛି।
ଏକନାଥ ସିନ୍ଦେଙ୍କ ନେତୃତ୍ୱରେ ଶିବସେନାର ବିଦ୍ରୋହୀ ବିଧାୟକମାନେ ବର୍ତ୍ତମାନ ଆସାମର ଗୁଆହାଟୀରେ ଅଛନ୍ତି। ସିନ୍ଦେ ଦାବି କରିଛନ୍ତି ଯେ ଶିବସେନାର ଅଧିକାଂଶ ବିଧାୟକ ତାଙ୍କ ସହ ଅଛନ୍ତି ଏବଂ ଉଦ୍ଧବ ଠାକରେଙ୍କ ସରକାର ଏକ ବହୁମତ ହରାଇଛି । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସୂଚନା ଅନୁଯାୟୀ, ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମନ୍ତ୍ରୀଙ୍କ ବିଭାଗ ଗୁଡ଼ିକ ଅଦଳବଦଳ କରିଛନ୍ତି ଯାହା ଦ୍ଵାରା ଜନସାଧାରଣଙ୍କ ସମସ୍ୟା ଯେପରି ଅଣଦେଖା ନ ହୁଏ।
ଏକନାଥ ସିନ୍ଦେଙ୍କ ଠାରୁ ସହରାଞ୍ଚଳ ବିକାଶ ଏବଂ ଜନ କଲ୍ୟାଣ ବିଭାଗ ଛଡ଼ାଇ ନିଆଯାଇଛି ଏବଂ ଏହି ଦୁଇ ବିଭାଗ ସୁଭାଷ ଦେଶାଇଙ୍କୁ ଦିଆଯାଇଛି। ଉଦ୍ଧବ ଠାକରେ ଆଉ ଜଣେ ବିଦ୍ରୋହୀ ମନ୍ତ୍ରୀ ଗୁଲାବ୍ରାଓ ପାଟିଲଙ୍କ ଠାରୁ ଜଳ ଯୋଗାଣ ଏବଂ ପରିମଳ ବିଭାଗକୁ ଛଡ଼ାଇ ନେଇ ଅନିଲ ପରବଙ୍କୁ ଦେଇଛନ୍ତି। କୃଷି ବିଭାଗ ସନ୍ଦିପନରାଓ ଭୁମେରଙ୍କୁ ଦିଆଯାଇଛି । ଏହାପୂର୍ବରୁ ଏହି ବିଭାଗ ଦାଦାଜୀ ଭୁସେଙ୍କ ସହିତ ଥିଲା | ଉଦୟ ସାମନ୍ତଙ୍କଠାରୁ ଉଚ୍ଚ ଏବଂ ବୈଷୟିକ ଶିକ୍ଷା ବିଭାଗ ପ୍ରତ୍ୟାହାର କରାଯାଇ ଆଦିତ୍ୟ ଠାକରେଙ୍କୁ ଦିଆଯାଇଛି |
Comments are closed.