ଏସିଆରେ ପୁଣି ବଢ଼ୁଛି କରୋନା ମାମଲା, ସତର୍କ ରହିବାକୁ ସବୁ ରାଜ୍ୟକୁ ଚିଠି ଲେଖିଲେ କେନ୍ଦ୍ର ସ୍ବାସ୍ଥ୍ୟ ସଚିବ

ନୂଆଦିଲ୍ଲୀ: ଭାରତରେ କରୋନା ସଂକ୍ରମଣ କମୁଥିଲେ ମଧ୍ୟ ପଡୋଶୀ ଚୀନ୍ ଏସିଆର କିଛି ଦେଶରେ କୋଭିଡ୍ ସ୍ଥିତି ଚିନ୍ତାଜନକ ହୋଇପଡିଛି। ଗତ କିଛି ସପ୍ତାହ ମଧ୍ୟରେ ଏଠାରେ କରୋନା ମାମଲା ଦ୍ରୁତ ଗତିରେ ବୃଦ୍ଧି ପାଇଛି | ଏଭଳି ପରିସ୍ଥିତିରେ ଭାରତରେ ମଧ୍ୟ ଚିନ୍ତା ବଢିବାରେ ଲାଗିଛି। ସମ୍ଭାବ୍ୟ ଚତୁର୍ଥ ଲହର ବିପଦକୁ ଦୃଷ୍ଟିରେ ରଖି କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣ ସମସ୍ତ ରାଜ୍ୟ / କେନ୍ଦ୍ରଶାସିତ ଅଞ୍ଚଳର ଅତିରିକ୍ତ ମୁଖ୍ୟ ସଚିବ, ମୁଖ୍ୟ ସଚିବ, ସ୍ବାସ୍ଥ୍ୟ ସଚିବଙ୍କୁ ଚିଠି ଲେଖି ସତର୍କତା ଅବଲମ୍ବନ କରିବାକୁ ନିର୍ଦ୍ଦେଶ ଦେଇଛନ୍ତି।

ରାଜେଶ ଭୂଷଣ ତାଙ୍କ ଚିଠି ମାଧ୍ୟମରେ ସମସ୍ତଙ୍କୁ କହିଛନ୍ତି ଯେ ପାଞ୍ଚ ସୂତ୍ରୀ ରଣନୀତି ତଥା ଟେଷ୍ଟ, ଟ୍ରାକ, ଟ୍ରିଟମେଣ୍ଟ, ଟୀକାକରଣ ଏବଂ କୋଭିଡ ନିୟମ ପାଳନ କରିବା ଉପରେ ଧ୍ୟାନ ଦେବା ଆବଶ୍ୟକ। ସେ କହିଛନ୍ତି ଯେ ସମ୍ପୃକ୍ତ ଅଧିକାରୀ ଏବଂ ବିଭାଗଗୁଡିକ ଏହି ପାଞ୍ଚଟି ପଏଣ୍ଟରେ ସଠିକ୍ ଭାବରେ କାର୍ଯ୍ୟ କରିବା ଆବଶ୍ୟକ। ନୂତନ ବିପଦକୁ ଦୃଷ୍ଟିରେ ରଖି ଡାକ୍ତରମାନେ ମଧ୍ୟ ସତର୍କ ରହିବାକୁ କହୁଛନ୍ତି।

ଚୀନ୍‌ରେ ପୁଣି ଥରେ କରୋନା ସ୍ଥିତି ସଙ୍ଗୀନ ହେବାରେ ଲାଗିଛି। ଗତ କିଛି ସପ୍ତାହ ଧରି ଚୀନ୍‌ରେ କରୋନା ମାମଲା ରେକର୍ଡ ଭାଙ୍ଗୁଥିବା ଦେଖିବାକୁ ମିଳୁଛି। ମାର୍ଚ୍ଚ ୧୪ରେ ଚୀନ୍‌ରେ ୩୬ ଜଣଙ୍କଠାରେ ଏହି ସଂକ୍ରମଣ ନିଶ୍ଚିତ ହୋଇଥିଲା, ଯାହା ଫେବୃଆରୀ ୨୦୧୦ ଠାରୁ ସର୍ବାଧିକ ଅଟେ। ଫେବୃଆରୀ ୨୦ ରୁ ଚୀନ୍‌ରେ ଦୈନିକ ମାମଲା ବୃଦ୍ଧି ପାଉଛି | ଯଦି ଆପଣ ଗତ ୫ ଦିନର ଆକଳନକୁ ଦେଖନ୍ତି, ତେବେ ସେଠାରେ ପ୍ରତିଦିନ ୧୦୦୦ ରୁ ଅଧିକ ନୂଆ ମାମଲା ରେକର୍ଡ କରାଯାଉଛି |