ନୂଆଦିଲ୍ଲୀ: କୋଭିଡ-୧୯ ମୁକାବିଲା କ୍ଷେତ୍ରରେ ରଣନୀତି ନେଇ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ମୋଦି ସରକାରକୁ ଟାର୍ଗେଟ କରିଛନ୍ତି। ସେ ଟ୍ୱିଟ୍ କରି କହିଛନ୍ତି ଯେ “କେନ୍ଦ୍ର ସରକାରଙ୍କ କୋଭିଡ ରଣନୀତି – ପ୍ରଥମ ପଦକ୍ଷେପ – ତୁଗଲକି ଲକଡାଉନ୍ ଲଗାଅ। ଦ୍ୱିତୀୟ ସୋପାନ – ଘଣ୍ଟି ବଜାଅ | ତୃତୀୟ ପଦକ୍ଷେପ – ପ୍ରଭୁଙ୍କ ଗୁଣ ଗାନ କର ।”
କଂଗ୍ରେସର ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ମଧ୍ୟ ଲୋକମାନଙ୍କୁ ନିବେଦନ କରିଛନ୍ତି କହିଛନ୍ତି, “ପ୍ରିୟ ଦେଶବାସୀ, ଏହା ଆମ ସମସ୍ତଙ୍କ ପାଇଁ ଏକ ବଡ଼ ସଙ୍କଟର ସମୟ | ଆମର ସମସ୍ତେ ପ୍ରିୟଜନ, ପରିବାର, ଆମ ଆଖପାଖର ଲୋକମାନେ କରୋନା ମହାମାରୀରେ ଆକ୍ରାନ୍ତ ହେଉଛନ୍ତି। ସେ ଟ୍ବିଟ୍ କରି କହିଛନ୍ତି, ଆପଣ ସମସ୍ତଙ୍କୁ ନିବେଦନ ଯେ, ଆପଣ ମାସ୍କ ପିନ୍ଧନ୍ତୁ ଏବଂ କୋଭିଡ୍ ସମ୍ପର୍କିତ ସବୁ ଗାଇଡ ଲାଇନ୍ ପାଳନ କରନ୍ତୁ । ସତର୍କତା ଓ ସମ୍ବେଦନା ସହ ଆମକୁ ଏହି ଯୁଦ୍ଧରେ ଜିତିବାକୁ ପଡିବ ।
ଉଲ୍ଲେଖନୀୟ ଯେ, ଶୁକ୍ରବାର ଦିନ ଦେଶରେ କରୋନା ସଂକ୍ରମଣ ସର୍ବକାଳୀନ ରେକର୍ଡ଼ କରିଛି । ଦେଶରେ ୨୧୭,୩୫୩ ନୂଆ ମାମଲା ଆସିବା ପରେ ଏପର୍ଯ୍ୟନ୍ତ ସଂକ୍ରମିତ ଲୋକଙ୍କ ସଂଖ୍ୟା ୧,୪୨,୯୧,୯୧୭କୁ ବୃଦ୍ଧି ପାଇଛି। ଏହାଛଡା ୧୧୮୫ ଜଣଙ୍କ ମୃତ୍ୟୁ ଫଳରେ ମୋଟ ମୃତ୍ୟୁ ସଂଖ୍ୟା ୧,୭୪,୩୦୮ କୁ ବୃଦ୍ଧି ପାଇଛି।
Comments are closed.