ଟିକାକରଣ ଅଭିଯାନରେ ଘରୋଇ ସଂସ୍ଥାଙ୍କୁ ନିୟୋଜିତ କରିବାକୁ ବିଚାର କରୁଛନ୍ତି ସରକାର

ନୂୂଆଦିଲ୍ଲୀ – ଦେଶର ଅନେକ ରାଜ୍ୟରେ ପୁଣିଥରେ କରୋନା ସଂକ୍ରମଣ ବୃଦ୍ଧି ପାଇବା ପରେ କେନ୍ଦ୍ର ସରକାର ଚିନ୍ତାରେ ଅଛନ୍ତି। ଗୃହମନ୍ତ୍ରୀ ଅମିତ ଶାହା ସୋମବାର ସ୍ଥିତିର ସମୀକ୍ଷା କରିଛନ୍ତି । କରୋନା ଯେପରି ପୁଣି କାୟା ବିସ୍ତାର ନ କରେ, ସେଥିପାଇଁ ଟୀକାକରଣ ଅଭିଯାନକୁ ତ୍ୱରାନ୍ୱିତ କରିବାକୁୁ ଶାହ ସ୍ବାସ୍ଥ୍ୟ ମନ୍ତ୍ରାଳୟକୁ ପରାମର୍ଶ ଦେଇଛନ୍ତି ।

ସରକାର ବର୍ତ୍ତମାନ ୫୦ ବର୍ଷରୁ ଅଧିକ ଲୋକଙ୍କୁ କରୋନା ଟିକା ଟିକା ଦେବାକୁ ଯୋଜନା କରୁଛନ୍ତି। ଏଭଳି ସ୍ଥଳେ ସ୍ୱଳ୍ପ ସମୟ ମଧ୍ୟରେ ୨୭ କୋଟି ଲୋକଙ୍କୁ ଟୀକାକରଣ ଲକ୍ଷ୍ୟ ପୂରଣ କରିବା ପାଇଁ ସରକାର ଏହି ଅଭିଯାନରେ ଘରୋଇ କ୍ଷେତ୍ରକୁ ମଞ୍ଜୁରି ଦେବାକୁ ପ୍ରସ୍ତୁତ ହେଉଛନ୍ତି।

ପରବର୍ତ୍ତୀ ପର୍ଯ୍ୟାୟରେ ୫୦ ବର୍ଷରୁ କମ୍ ବୟସ୍କ ଲୋକଙ୍କ ସହ ଗୁରୁତର ରୋଗରେ ଆକ୍ରାନ୍ତ ଏବଂ ଯେଉଁମାନଙ୍କ କରୋନା ଦ୍ବାରା ମୃତ୍ୟୁ ହେବାର ଅଧିକ ରିସ୍କ ରହିଛି, ସେମାନଙ୍କୁ ମଧ୍ୟ ଟିକା ଦିଆଯିବ।
ନୀତି ଆୟୋଗର ସଦସ୍ୟ ଡକ୍ଟର ବିକେ ପାଲ୍ କହିଛନ୍ତି ଯେ ଟୀକାକରଣ ଅଭିଯାନର ପରବର୍ତ୍ତୀ ପର୍ଯ୍ୟାୟ ପାଇଁ ପ୍ରସ୍ତୁତି ଜୋରସୋରରେ ଚାଲିଛି ଏବଂ ଏଥିରେ ଘରୋଇ କ୍ଷେତ୍ରର ଏକ ବଡ଼ ଅଂଶ ରହିବ।

ସେ କହିଛନ୍ତି, ବେସରକାରୀ କ୍ଷେତ୍ର ମୁଖ୍ୟତଃ ସ୍ୱାସ୍ଥ୍ୟସେବା ଏବଂ ସମ୍ମୁଖଭାଗ କର୍ମଚାରୀଙ୍କ ଟୀକାକରଣରେ ଜଡିତ ଅଛି। ଗୋଟିଏ ଦିନରେ ଦିଆଯାଇଥିବା ୧୦ ହଜାର ଟିକା ମଧ୍ୟରୁ ୨ ହଜାର ଘରୋଇ କ୍ଷେତ୍ରର ତତ୍ତ୍ୱାବଧାନରେ ଦିଆଯାଉଛି । ଯେହେତୁ ଆମେ ଟୀକାକରଣ ଅଭିଯାନକୁ ତ୍ୱରାନ୍ୱିତ କରିବାକୁ ଚାହୁଁ, ଏଥିରେ ଘରୋଇ କ୍ଷେତ୍ରର ଅଧିକ ସହଯୋଗିତା ରହିବ । ସରକାର ଦିନକୁ ୫୦ ହଜାର ଟିକା ଲଗାଇବାକୁ ଲକ୍ଷ୍ୟ ରଖିଛନ୍ତି। ଏପର୍ଯ୍ୟନ୍ତ ୬୭% ସ୍ୱାସ୍ଥ୍ୟ କର୍ମୀ ଯେଉଁମାନେ ପଞ୍ଜୀକୃତ ହୋଇଛନ୍ତି ଏବଂ ୪୦% ସମ୍ମୁଖଭାଗ କୋଭିଡ୍ ଯୋଦ୍ଧାଙ୍କୁ କରୋନା ଟିକା ଦିଆଯାଉଛି। ଏକ ସରକାରୀ ସୂତ୍ରରୁ ଜଣାଯାଇଛି ଯେ ବର୍ତ୍ତମାନ ପର୍ଯ୍ୟନ୍ତ ୧୧.୫ ଲକ୍ଷ ସ୍ୱାସ୍ଥ୍ୟ କର୍ମୀଙ୍କୁ କରୋନା ଟୀକା ର ଦ୍ୱିତୀୟ ଡୋଜ୍ ଦିଆଯାଇଛି, ଯେଉଁଥିରୁ ୪୦-୫୦ ପ୍ରତିଶତ ଘରୋଇ ହସ୍ପିଟାଲରେ ଦିଆଯାଇଛି |