ଆପ୍ ବିଧାୟକ ଅମାନତୁଲ୍ଲା ଖାନ ଗିରଫ

ନୂଆଦିଲ୍ଲୀ: ଆମ୍ ଆଦମୀ ପାର୍ଟି (ଆପ୍) ବିଧାୟକ ଅମାନତୁଲ୍ଲା ଖାନ ଗିରଫ ହୋଇଛନ୍ତି । ଓ୍ବାକଫ୍ ବୋର୍ଡରେ ଅନିୟମିତତା ନେଇ ଦୁଇ ବର୍ଷ ପୁରୁଣା ମାମଲାରେ ଅମାନତୁଲ୍ଲା ଖାନଙ୍କୁ ଏସିବି ଗିରଫ କରିଛି ।

ଶୁକ୍ରବାର ଏସିବି ଟିମ୍ ଅମାନତୁଲ୍ଲା ଖାନ ଏବଂ ତାଙ୍କ ସହଯୋଗୀଙ୍କ ସ୍ଥାନରେ ଚଢାଉ କରିଥିଲା। ଏହାପୂର୍ବରୁ ୱାକଫ ବୋର୍ଡ ସହ ଜଡିତ ଦୁଇ ବର୍ଷ ପୁରୁଣା ମାମଲାରେ ପଚରାଉଚରା ପାଇଁ ଏସିବି ଗୁରୁବାର ତାଙ୍କୁ ନୋଟିସ ଜାରି କରିଥିଲା।

ଓଖଲାରୁ ବିଧାୟକ ଥିବା ଅମାନତୁଲ୍ଲା ଖାନଙ୍କ ବିରୋଧରେ ୱାକଫ ବୋର୍ଡର ଚେୟାରମ୍ୟାନ୍ ଭାବରେ ୱାକଫ ସମ୍ପତ୍ତି ବେଆଇନ ଭାବରେ ଭଡ଼ାରେ ଦେବା, ୱାକଫ ବୋର୍ଡରେ ୩୩ ଜଣ ଲୋକଙ୍କୁ ବେଆଇନ ନିଯୁକ୍ତି ଦେବା ଏବଂ ଗାଡି କିଣାରେ ଘୋଟାଲା ଅଭିଯୋଗ ହୋଇଛି। ଏନେଇ ଏସିବି ୨୦୨୦ରେ ଏକ ମାମଲା ରୁଜୁ କରିଥିଲା।