ମସ୍କୋ: ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ “ବ୍ରେନ୍” କୁହାଯାଉଥିବା ଆଲେକଜାଣ୍ଡର ଡୁଗିନଙ୍କ ଝିଅ ଡାରିଆ ଡୁଗିନଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି।
ଡାରିଆ ଡୁଗିନ୍ ରୁଷର ଜଣେ ଜଣାଶୁଣା ସାମ୍ବାଦିକ ତଥା ସମୀକ୍ଷକ ଥିଲେ। ୟୁକ୍ରେନ ଉପରେ ରୁଷର ଆକ୍ରମଣକୁ ସେ ସମର୍ଥନ କରିଥିଲେ।
ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଡାରିଆ ଡୁଗିନ ତାଙ୍କ ଘରକୁ ଯାଉଥିବା ବେଳେ ରାଜଧାନୀ ମସ୍କୋ ନିକଟରେ ତାଙ୍କ କାର୍ ହଠାତ୍ ବିସ୍ଫୋରଣରେ ଜଳି ଉଠିଥିଲା। ତେବେ ଆକ୍ରମଣର ପ୍ରକୃତ ଟାର୍ଗେଟ ପୁଟିନଙ୍କ ଘନିଷ୍ଠ ସହଯୋଗୀ ଆଲେକଜାଣ୍ଡର ଡୁଗିନ୍ ଥିଲେ ବୋଲି ସନ୍ଦେହ କରାଯାଉଛି ।
ଡୁଗିନ୍ ରଷର ଉଗ୍ର ରାଷ୍ଟ୍ରବାଦୀ ଭାବରେ ବିବେଚିତ ହୁଅନ୍ତି | ତାଙ୍କୁ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଘନିଷ୍ଠ ସହଯୋଗୀ ବୋଲି କୁହାଯାଏ |
ୟୁକ୍ରେନ ଉପରେ ଆକ୍ରମଣ ପଛରେ ତାଙ୍କର ପ୍ରମୁଖ ଭୂମିକା ଥିଲା ବୋଲି ଚର୍ଚ୍ଚା ହୋଇଥିଲା | ଉଲ୍ଲେଖଥାଉ କି, ସେ ସରକାରରେ କୌଣସି ପଦ ପଦବୀରେ ନାହାଁନ୍ତି।
ରୁଷର ମିଡିଆ ସଂଗଠନ ୧୧୨ ଅନୁଯାୟୀ, ଶନିବାର ସନ୍ଧ୍ୟାରେ ଉଭୟ ପିତା ଏବଂ ଝିଅ ଏକାଠି ଗୋଟିଏ କାରରେ ଫେରିବାର ଥିଲା । ତେବେ ଶେଷ ମୁହୂର୍ତ୍ତରେ ଡୁଗିନ୍ ତାଙ୍କ ଝିଅଠାରୁ ଅଲଗା ହେବାକୁ ନିଷ୍ପତ୍ତି ନେଇଥିଲେ। ଡୁଗିନଙ୍କ ଝିଅ ଉପରେ ଏହି ଆକ୍ରମଣ ପଛରେ ୟୁକ୍ରେନର ହାତ ରହିଛି କି ନାହିଁ ଜଣା ପଡ଼ିନାହିଁ ।
Comments are closed.