ନୂଆଦିଲ୍ଲୀ – ମଟରଯାନ ଆଇନ ଅନୁସାରେ ସବୁ ଯାନବାହନର ବୀମା ହେବା ଉଚିତ । କିନ୍ତୁ ଏହି ନିୟମର ଖୋଲାଖୋଲି ଉଲ୍ଳଂଘନ ହେଉଛି । ଦେଶରେ ପ୍ରାୟ ୫୦%ରୁ ଊର୍ଦ୍ଧ୍ୱ ଗାଡ଼ି ବିନା ବୀମାରେ ଚାଲିଛି । ଭାରତର ଇନସୁରାନ୍ସ ଇନଫର୍ମସନ ବ୍ୟୁରୋ (ଆଇଆଇବି) ବାର୍ଷିକ ରିପୋର୍ଟରେ ଏହି ଆଶ୍ଚର୍ଯ୍ୟଜନକ ତଥ୍ୟ ଦିଆଯାଇଛି । ଏହି ରିପୋର୍ଟ ମୁତାବକ, ମାର୍ଚ୍ଚ ୨୦୧୯ ପର୍ଯ୍ୟନ୍ତ ଦେଶରେ ୫୭%ରୁ ଊର୍ଦ୍ଧ୍ୱ ଗାଡ଼ିର ବୀମା ହୋଇନଥିଲା ।
ବୀମାଭୁକ୍ତ ହୋଇନଥିବା ଗାଡ଼ି ଭିତରୁ ଅଧିକାଂଶ ଦୁଇଚକିଆ ଯାନ । ପ୍ରାୟ ୬୬% ଦୁଇ ଚିକିଆ ଯାନର ବୀମା କରାଯାଇ ନାହିଁ । ଦେଶର ୧୫ଟି ରାଜ୍ୟରେ ବୀମା ହୋଇନଥିବା ଗାଡ଼ି ସଂଖ୍ୟା ଅଧିକ ବୋଲି ଆଇଆଇବି ରିପୋର୍ଟରେ ଉଲ୍ଲେଖ କରାଯାଇଛି । ଅଧିକାଂଶ କ୍ଷେତ୍ରରେ ଗାଡ଼ି କିଣିବାର ପ୍ରଥମ ବର୍ଷ ପରେ ବୀମା ନବୀକରଣ କରାଯାଉ ନାହିଁ । ଯାନ ବୀମାକରଣ ନେଇ ଆଇଆଇବି ତରଫରୁ ଚଳିତ ବର୍ଷର ରିପୋର୍ଟ ଜାରି କରାଯାଇ ନାହିଁ । ଭାରତ ବିଶ୍ୱର ଅନ୍ୟତମ ବୃହତ୍ ଯାନ ନିର୍ମାଣକାରୀ ରାଷ୍ଟ୍ର । ଭାରତରେ ବାର୍ଷିକ ପ୍ରାୟ ୨୦ ମିଲିୟନରୁ ଊର୍ଦ୍ଧ୍ୱ ଯାନ ବିକ୍ରି ହୋଇଥାଏ । ସର୍ବାଧିକ ସଡ଼କ ଦୁର୍ଘଟଣା ଓ ତଦ୍ଜନିତ ମୃତ୍ୟୁରେ ମଧ୍ୟ ଭାରତ ଆଗରେ ରହିଛି ।
Comments are closed.