ନୂଆଦିଲ୍ଲୀ: ୯୫ତମ ଏକାଡେମୀ (ଓସ୍କାର) ପୁରସ୍କାର ପାଇଁ ଫିଲ୍ମ ଫେଡେରେସନ୍ ଅଫ୍ ଇଣ୍ଡିଆ (ଏଫ୍ଏଫ୍ଆଇ) ପକ୍ଷରୁ ମଙ୍ଗଳବାର ଗୁଜରାଟୀ ଫିଲ୍ମ “ଛେଲୋ ଶୋ”କୁ ମନୋନୀତ କରାଯାଇଛି । ଫିଲ୍ମର ଇଂରାଜୀ ଟାଇଟଲ୍ ହେଉଛି “ଲାଷ୍ଟ ଫିଲ୍ମ ଶୋ” | ପାନ୍ ନଳୀନଙ୍କ ନିର୍ଦ୍ଦେଶିତ ଏହି ଫିଲ୍ମ ଅକ୍ଟୋବର ୧୪ରେ ସାରା ଦେଶରେ ମୁକ୍ତିଲାଭ କରିବ।
ଓସ୍କାରରେ ଶ୍ରେଷ୍ଠ ଆନ୍ତର୍ଜାତୀୟ ଫିଚର ଫିଲ୍ମ ବର୍ଗରେ ଭାରତର ପ୍ରତିନିଧିତ୍ୱ କରିବାକୁ ମନୋନୀତ ଏହି ଚଳଚ୍ଚିତ୍ରଟି ସିଦ୍ଧାର୍ଥ ରୟ କାପୁରଙ୍କ ଦ୍ୱାରା ନିର୍ମିତ । ରୟ କାପୁର ଫିଲ୍ମସ, ଜୁଗାଡ୍ ମୋସନ ପିକ୍ଚର୍ସ, ମୌସୁମୀ ଫିଲ୍ମ, ଛେଲୋ ଶୋ ଏଲ୍ଏଲପି ଏବଂ ମାର୍କ ଡୱେଲ ଏହାର ସହ ନିର୍ମାତା |
“ଛେଲୋ ଶୋ” ବିଭିନ୍ନ ଫିଲ୍ମ ମହୋତ୍ସବରେ ପ୍ରିମିୟର୍ ସମୟରେ ଅନେକ ପୁରସ୍କାର ଜିତିଛି | ଏହି ଫିଲ୍ମ ସ୍ପେନର ୬୬ ତମ ଭାଲାଡୋଲିଡ ଫିଲ୍ମ ଫେଷ୍ଟିଭାଲରେ ଗୋଲଡେନ ସ୍ପାଇକ ପୁରସ୍କାର ମଧ୍ୟ ପାଇଥିଲା |
ଗତ ବର୍ଷ ଚଳଚ୍ଚିତ୍ର ନିର୍ମାତା ବିନୋଦରାଜ ପି। ଭାରତ ନିର୍ଦ୍ଦେଶିତ ତାମିଲ ଚଳଚ୍ଚିତ୍ର “କୋଜଙ୍ଗଲ” ଭାରତର ଅଫିସିଆଲ୍ ଏଣ୍ଟ୍ରି ଭାବେ ଓସ୍କାରକୁ ପଠାଯାଇଥିଲା । କିନ୍ତୁ ଏହି ଫିଲ୍ମକୁ ମନୋନୀତ କରାଯାଇନଥିଲା ।
ଶେଷ ଥର ପାଇଁ ୨୦୦୧ରେ ଆମିର ଖାନଙ୍କ ଫିଲ୍ମ “ଲଗାନ” ଓସ୍କାର ସର୍ଟ ଲିଷ୍ଟରେ ସ୍ଥାନ ପାଇଥିଲା । | ଏହା ପୂର୍ବରୁ ଅନ୍ୟ ଦୁଇ ଭାରତୀୟ ଫିଲ୍ମ “ମଦର ଇଣ୍ଡିଆ” (୧୯୫୮) ଏବଂ “ସଲାମ ବମ୍ବେ” (୧୯୮୯) ମଧ୍ୟ ଓସ୍କାର ପୁରସ୍କାରର ଶ୍ରେଷ୍ଠ ବିଦେଶୀ ଫିଲ୍ମ ବର୍ଗରେ ମନୋନୀତ ହୋଇଥିଲା |
ମାର୍ଚ୍ଚ ୧୨, ୨୦୨୩ରେ ଲସ୍ ଆଞ୍ଜେଲସରେ ୯୫ତମ ଓସ୍କାର ପୁରସ୍କାର ଉତ୍ସବ ଅନୁଷ୍ଠିତ ହେବ |
Comments are closed.