ଶ୍ରୀନଗର: ଜାମ୍ମୁ କାଶ୍ମୀରର ଶୋପିଆନ୍ର ଛୋଟେପୋରା ଗ୍ରାମରେ ଛୁଟିରେ ଥିବା ଜଣେ ସିଆରପିଏଫ୍ ଯବାନଙ୍କୁ ଆତଙ୍କବାଦୀମାନେ ଗୁଳି କରି ହତ୍ୟା କରିଥିଲେ। ଏହି ଘଟଣାରେ ଅଞ୍ଚଳର ସୁରକ୍ଷା ବାହିନୀକୁ ଆଲର୍ଟ କରାଯାଇଥିଲା ଏବଂ ପୋଲିସ ସମଗ୍ର ଅଞ୍ଚଳରେ ସର୍ଚ୍ଚ ଅପରେସନ କରିଥିଲା । ବର୍ତ୍ତମାନ ଖବର ଆସୁଛି ଯେ ଯବାନଙ୍କୁ ହତ୍ୟା କରିଥିବା ଆତଙ୍କବାଦୀଙ୍କୁ ଗିରଫ କରାଯାଇଛି।
ଆତଙ୍କବାଦୀଙ୍କ ଗିରଫଦାରୀ ସମ୍ପର୍କରେ ସୂଚନା ଦେଇ ଜାମ୍ମୁ କାଶ୍ମୀରର ଆଇଜିପି ଏକ ବିବୃତ୍ତି ଜାରି କରି କହିଛନ୍ତି, ‘ଆମେ ସିଆରପିଏଫ୍ ଯବାନ ମୁଖତାର୍ ଅହମ୍ମଦ ଦୋହିଙ୍କ ହତ୍ୟାକାରୀକୁ ଗିରଫ କରିଛୁ । ଲଶ୍କର କମାଣ୍ଡର ଆବିଦ୍ ରମଜାନ୍ ଶେଖଙ୍କ ନିର୍ଦ୍ଦେଶରେ ସିଆରପିଏଫ୍ ଯବାନଙ୍କୁ ହତ୍ୟା କରାଯାଇଥିଲା।’ ଗିରଫ ଆତଙ୍କବାଦୀଙ୍କ ବିରୋଧରେ ମାମଲା ରୁଜୁ ହୋଇଛି ବୋଲି ସେ କହିଛନ୍ତି।
ଏହାପୂର୍ବରୁ ଶୁକ୍ରବାର କୁଲଗାମ ଜିଲ୍ଲାର ଜଣେ ସରପଞ୍ଚଙ୍କୁ ଆତଙ୍କବାଦୀମାନେ ଗୁଳି କରି ହତ୍ୟା କରିଥିଲେ। ଏହି ମାସରେ ଜାମ୍ମୁ କାଶ୍ମୀରରେ ଏହା ହେଉଛି ତୃତୀୟ ଘଟଣା ଯେତେବେଳେ ଆତଙ୍କବାଦୀମାନେ ସ୍ଥାନୀୟ ନିର୍ବାଚିତ ପ୍ରତିନିଧୀଙ୍କୁ ହତ୍ୟା କରିଥିଲେ।
Comments are closed.