ଆଇସିଏମ୍ଆର ଅଧ୍ୟୟନରେ ଖୁଲାସା, ଟିକା ନେଇଥିବା ଲୋକଙ୍କୁ ବି ସଂକ୍ରମିତ କରିଥାଏ ଡେଲଟା ଭାରିଆଣ୍ଟ

ନୂଆଦିଲ୍ଲୀ: କରୋନାର ଦ୍ବିତୀୟ ଲହରୀ ପରେ ଭାରତ ଉପରେ ତୃତୀୟ ଲହରୀର ଆଶଙ୍କା ଦେଖାଦେଇଛି। ବିଶେଷକରି କରୋନାର ଡେଲଟା ଭାରିଆଣ୍ଟ ବିଶେଷଜ୍ଞଙ୍କ ଚିନ୍ତା ବଢ଼ଇଛି | ନିକଟରେ ଚେନ୍ନାଇରେ ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର) ଦ୍ୱାରା କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ କରୋନା ଭାଇରସର ଡେଲ୍ଟା ଭାରିଆଣ୍ଟ ଟିକା ନେଇଥିବା ଲୋକଙ୍କୁ ମଧ୍ୟ ସଂକ୍ରମିତ କରିଥାଏ। ଏହା ବ୍ୟତୀତ, ଯେଉଁମାନେ ପୂର୍ବରୁ ସଂକ୍ରମିତ ହୋଇନଥିଲେ ସେମାନଙ୍କୁ ମଧ୍ୟ ସଂକ୍ରମିତ କରିବାରେ ଏହି ଭାରିଆଣ୍ଟର କ୍ଷମତା ରହିଛି | ଏହି ଅଧ୍ୟୟନକୁ ଆଇସିଏମଆର-ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଏପିଡେମିଓଲୋଜି ଦ୍ବାରା ଅନୁମୋଦନ କରାଯାଇଥିଲା ​​ଏବଂ ଅଗଷ୍ଟ ୧୭ରେ ଅଧ୍ୟୟନର ନିଷ୍କର୍ଷ ଏକ ଜର୍ଣ୍ଣାଲରେ ପ୍ରକାଶିତ ହୋଇଥିଲା।

ଅଧ୍ୟୟନ ଅନୁସନ୍ଧାନ ସୂଚାଇ ଦେଇଛି ଯେ ଡେଲଟା ଭାରିଆଣ୍ଟ କିମ୍ବା ବି.୧.୬୧୭.୨ ର ବ୍ୟାପକତା ଟୀକାକରଣ ଏବଂ ଅଣ ଟୀକାକରଣ ଲୋକଙ୍କ ମଧ୍ୟରେ ଭିନ୍ନ ନୁହେଁ। ଉଲ୍ଲେଖଯୋଗ୍ୟ ଯେ କରୋନାର ଡେଲଟା ଭାରିଆଣ୍ଟ ନେଇ ସମଗ୍ର ବିଶ୍ୱ ଚିନ୍ତିତ | ଦ୍ୱିତୀୟ ଲହରୀ ସମୟରେ ଭାରତରେ ଡେଲଟା ଭାରିଆଣ୍ଟର କିଛି ମାମଲା ରିପୋର୍ଟ ହୋଇଥିଲା ଏବଂ ବର୍ତ୍ତମାନ କେତେକ ରାଜ୍ୟରେ ଏହି ଭାରିଆଣ୍ଟ ଜନିତ ମାମଲା ଦେଖିବାକୁ ମିଳୁଛି।