କଟକ ବଡ ମେଡିକାଲରେ ଇକମୋ ଚିକିତ୍ସା ସେବାର ଲୋକାର୍ପଣ କରିବେ ମୁଖ୍ୟମନ୍ତ୍ରୀ, ଗୁରୁତର ରୋଗୀଙ୍କୁ ମାଗଣାରେ ମିଳିବ ସେବା

ଭୁବନେଶ୍ୱର- କଟକ ବଡ ମେଡିକାଲରେ ଗୁରୁତର କୋଭିଡ ରୋଗୀଙ୍କ ଚିକିତ୍ସା ପାଇଁ ଇକୋମୋ ସୁବିଧାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଲୋକାର୍ପଣ କରିବେ । ସବୁ ଗୁରୁତର କୋଭିଡ ସଂକ୍ରମିତ, ଫୁସଫୁସ ଓ ହୃଦରୋଗୀଙ୍କ ପାଇଁ ଏହି ସେବା ବିନା ମୂଲ୍ୟରେ ଉପଲବ୍ଧ ହେବ । କଟକ ବଡ ମେଡିକାଲରେ ୯ଟି ଇକମୋ ମେସିନ ଲଗାଯାଇଛି । କଟକ ବଡ ମେଡିକାଲର ଇକମୋ ୟୁନିଟ ପୂର୍ବ ଭାରତର ସବୁଠାରୁ ବଡ ଇକମୋ ୟୁନିଟ ବୋଲି କୁହାଯାଉଛି । ଇକମୋ ମେସିନ ବ୍ୟବହାର ପାଇଁ ଦୁଇଟି ପର୍ଯ୍ୟାୟରେ ଏସସିବିର ୧୯ ଜଣ ଡାକ୍ତର ଓ କର୍ମଚାରୀଙ୍କୁ ତାଲିମ ଦିଆଯାଇଛି ।

ମୁଖ୍ୟମନ୍ତ୍ରୀ ଶ୍ରୀ @Naveen_Odisha ଶ୍ରୀରାମଚନ୍ଦ୍ର ଭଞ୍ଜ ଭେଷଜ ମହାବିଦ୍ୟାଳୟ ଓ ଚିକିତ୍ସାଳୟ, କଟକରେ ଇକମୋ ସୁବିଧାର ଲୋକାର୍ପଣ କରିବାକୁ ଯାଉଛନ୍ତି। ସବୁ ଗୁରୁତର କୋଭିଡ ସଂକ୍ରମିତ, ଫୁସଫୁସ ଓ ହୃଦ ରୋଗୀଙ୍କ ପାଇଁ ଏହି ଜୀବନ ରକ୍ଷାକାରୀ ସେବା ବିନା ମୂଲ୍ୟରେ ଉପଲବ୍ଧ ହେବ। #OdishaCares @HFWOdisha pic.twitter.com/Vqk9FTRbmS

— CMO Odisha (@CMO_Odisha) August 27, 2021