ଆଇପିଏଲ୍ ନିଲାମ: ଇଂଲଣ୍ଡ ଖେଳାଳି ଲିଭିଙ୍ଗଷ୍ଟୋନଙ୍କୁ ୧୧.୫୦ କୋଟିରେ କିଣିଲା ପଞ୍ଜାବ କିଙ୍ଗ୍ସ, ୪ କୋଟିରେ ଚେନ୍ନାଇ ସୁପରକିଙ୍ଗ୍ସକୁ ଗଲେ ଶିବମ୍ ଦୁବେ

ବେଙ୍ଗାଲୁରୁ: ଆଇପିଏଲ୍ ୨୦୨୨ ପାଇଁ ମେଗା ନିଲାମ ଚାଲିଛି | ମେଗା ନିଲାମର ଦ୍ୱିତୀୟ ଦିନରେ ମଧ୍ୟ ଅନେକ ଖେଳାଳିଙ୍କ ଉପରେ ଟଙ୍କା ବର୍ଷା ହୋଇଛି। ଇଂଲଣ୍ଡର ସ୍ପିନ୍ ଅଲରାଉଣ୍ଡର ଲିଆମ୍ ଲିଭିଙ୍ଗଷ୍ଟୋନ୍ ୧୧.୫୦ କୋଟିରେ ବିକ୍ରି ହୋଇଛନ୍ତି | ଅନ୍ୟପକ୍ଷରେ ୱେଷ୍ଟଇଣ୍ଡିଜ୍ ଅଲରାଉଣ୍ଡର ଓଡିଆନ ସ୍ମିଥଙ୍କୁ ପଞ୍ଜାବ କିଙ୍ଗସ୍ ୬ କୋଟି ଟଙ୍କାରେ କିଣିଛି।

ଏକ କୋଟି ବେସ୍ ପ୍ରାଇସ୍ ଥିବା ଲିଆମ୍ ଲିଭିଙ୍ଗଷ୍ଟୋନ୍ ପାଇଁ କୋଲକାତା ନାଇଟ୍ ରାଇଡର୍ସ, ପଞ୍ଜାବ କିଙ୍ଗସ୍, ଗୁଜୁରାଟ ଟାଇଟାନ୍ସ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ କଡ଼ା ପ୍ରତିଯୋଗିତା ହୋଇଥିଲା। ଶେଷରେ ପଞ୍ଜାବ କିଙ୍ଗ୍ସ ଏହି ବିସ୍ଫୋରକ ବ୍ୟାଟ୍ସମ୍ୟାନଙ୍କୁ ୧୧.୫୦ କୋଟି ଟଙ୍କାରେ କିଣିଛି | ଏହା ସହ ସେ ଆଇପିଏଲରେ ବିକ୍ରି ହୋଇଥିବା ଇଂଲଣ୍ଡର ଦ୍ୱିତୀୟ ମହଙ୍ଗା ଖେଳାଳି ହୋଇଛନ୍ତି। ଲିଆମ୍ ଲିଭିଙ୍ଗଷ୍ଟୋନ୍ ମଧ୍ୟ ପୂର୍ବରୁ ଆଇପିଏଲରେ ରାଜସ୍ଥାନ ରୟାଲ୍ସ ପାଇଁ ଖେଳିଛନ୍ତି। ଲିଭିଙ୍ଗଷ୍ଟୋନ୍ ପୂର୍ବରୁ ବେନ୍ ଷ୍ଟୋକ୍ସ ହେଉଛି ଆଇପିଏଲ୍ ରେ ବିକ୍ରି ହେବାକୁ ଥିବା ସବୁଠାରୁ ମହଙ୍ଗା ଇଂରାଜୀ ଖେଳାଳି |

ଦ୍ୱିତୀୟ ଦିନରେ ମହଙ୍ଗା ଖେଳାଳି:

ଲିଆମ୍ ଲିଭିଙ୍ଗଷ୍ଟୋନ୍ – ୧୧.୫୦ କୋଟି ଟଙ୍କା (ପଞ୍ଜାବ କିଙ୍ଗ୍ସ)

ଓଡିଆନ୍ ସ୍ମିଥ୍ – ୬ କୋଟି ଟଙ୍କା (ପଞ୍ଜାବ କିଙ୍ଗ୍ସ)

ଶିବମ୍ ଦୁବେ – ୪ କୋଟି (ଚେନ୍ନାଇ ସୁପରକିଙ୍ଗ୍ସ)

ମାର୍କୋ ୟାନସେନ୍ – ୪.୨୦ କୋଟି (ସନରାଇଜର୍ସ ହାଇଦ୍ରାବାଦ)

ଏଡେନ୍ ମାର୍କ୍ରାମ – ୨.୬୦ କୋଟି ଟଙ୍କା (ସନରାଇଜର୍ସ ହାଇଦ୍ରାବାଦ)

ବିଜୟ ଶଙ୍କର – ୧.୪୦ କୋଟି ଟଙ୍କା (ଗୁଜୁରାଟ ଟାଇଟାନ୍ସ)

ଜୟନ୍ତ ଯାଦବ- ୧.୭୦ କୋଟି ଟଙ୍କା (ଗୁଜୁରାଟ ଟାଇଟାନ୍ସ)

ଏହାପୂର୍ବରୁ ସନରାଇଜର୍ସ ହାଇଦ୍ରାବାଦ ଦକ୍ଷିଣ ଆଫ୍ରିକାର ମିଡିଲ୍ ଅର୍ଡର ବ୍ୟାଟ୍ସମ୍ୟାନ୍ ଏଡେନ୍ ମାର୍କ୍ରାମଙ୍କୁ ୨.୬୦ କୋଟିରେ କିଣିଛି। ଅନ୍ୟପକ୍ଷେ କୋଲକାତା ନାଇଟ୍ ରାଇଡର୍ସ ଅଜିଙ୍କ୍ୟ ରାହାଣଙ୍କୁ ତାଙ୍କ ବେସ୍ ପ୍ରାଇସ୍ ଏକ କୋଟି ଟଙ୍କାରେ ନେଇଛି। ଗୁଜୁରାଟ ଟାଇଟାନ୍ସ ଡୋମିନିକ୍ ଡ୍ରକ୍ସକୁ ୧.୧୦ କୋଟିରେ କିଣିଛି | ଏହାଛଡ଼ା ନ୍ୟୁଜିଲ୍ୟାଣ୍ଡର ଅଲରାଉଣ୍ଡର ଜେମ୍ସ ନିଶାମଙ୍କ ସହ ଭାରତର ଚେତେଶ୍ୱର ପୂଜାରା, ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ୍ ଆରୋନ ଫିଞ୍ଚ ଏବଂ ଭାରତୀୟ ବ୍ୟାଟ୍ସମ୍ୟାନ୍ ସୌରଭ ତିୱାରୀଙ୍କୁ କେହି ଫ୍ରାଞ୍ଚାଇଜ କିଣିନାହାଁନ୍ତି ।