ଫ୍ୟୁଚର ଗ୍ରୁପକୁ ଆଶ୍ବସ୍ତି, ସମ୍ପତ୍ତି ଜବତ ଉପରେ ସୁପ୍ରିମକୋର୍ଟଙ୍କ ସ୍ଥଗିତାଦେଶ

ନୂଆଦିଲ୍ଲୀ: ଫ୍ୟୁଚର ଗ୍ରୁପର ସମ୍ପତ୍ତି ଜବତ କରିବା ନେଇ ଦିଲ୍ଲୀ ହାଇକୋର୍ଟଙ୍କ ନିର୍ଦ୍ଦେଶକୁ ସୁପ୍ରିମକୋର୍ଟ ସ୍ଥଗିତ ରଖିଛନ୍ତି। ଫ୍ୟୁଚର-ରିଲାଏନ୍ସ ଖୁଚୁରା ମିଶ୍ରଣ କାରବାର ସହ ଜଡିତ ମାମଲାରେ କୋର୍ଟ ଏହି ନିର୍ଦ୍ଦେଶ ଦେଇଛନ୍ତି। ସୁପ୍ରିମକୋର୍ଟଙ୍କ ସ୍ଥଗିତାଦେଶ ପରେ ଫ୍ୟୁଚର ରିଟେଲ ଏବଂ ଫ୍ୟୁଚର ଗ୍ରୁପର ପ୍ରମୋଟର କିଶୋର ବିୟାନିଙ୍କୁ ବଡ଼ ଆଶ୍ବସ୍ତି ମିଳିଛି।

ମାର୍ଚ୍ଚରେ ଦିଲ୍ଲୀ ହାଇକୋର୍ଟର ଏକ ଖଣ୍ଡପୀଠ ଫ୍ୟୁଚର ଗ୍ରୁପର ସମ୍ପତ୍ତି ଜବତ କରିବାକୁ ନିର୍ଦ୍ଦେଶ ଦେଇଥିଲେ। ଆମାଜନର ଏକ ଆବେଦନର ଶୁଣାଣି କରି ଜରୁରୀକାଳୀନ ମଧ୍ୟସ୍ଥ ପୁରସ୍କାରର ଉଲ୍ଲଂଘନ ପାଇଁ ହାଇକୋର୍ଟ ଉକ୍ତ ନିର୍ଦ୍ଦେଶ ଦେଇଥିଲେ ଏବଂ ଏ ସଂକ୍ରାନ୍ତରେ ସତ୍ୟପାଠ ଦାଖଲ କରିବାକୁ ଫ୍ୟୁଚର ଗ୍ରୁପ୍ ର ସବୁ ଶାଖା ଏବଂ ପ୍ରମୋଟରଙ୍କୁ କହିଥିଲେ।