ନୂଆଦିଲ୍ଲୀ: ରୋହିଣୀ କୋର୍ଟରେ ବିସ୍ଫୋରଣ ଉଦ୍ୟମ କରି ଗିରଫ ହୋଇଥିବା ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ(ଡିଆରଡିଓ)ର ଜଣେ ବରିଷ୍ଠ ବୈଜ୍ଞାନିକ ପୋଲିସ ହାଜତରେ ହ୍ୟାଣ୍ଡ ଓ୍ବାଶ୍ ପିଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ଅଧିକାରୀମାନେ ରବିବାର କହିଛନ୍ତି ଯେ ଅଭିଯୁକ୍ତ ଭରତ ଭୂଷଣ କଟାରିଆ (୪୭) ଏମ୍ସରେ ଚିକିତ୍ସିତ ହେଉଛନ୍ତି ଏବଂ ବର୍ତ୍ତମାନ ତାଙ୍କ ଅବସ୍ଥା ସ୍ଥିର ରହିଛି। ରୋହିଣୀ କୋର୍ଟ ଭିତରେ ଏକ ଟିଫିନ୍ ବାକ୍ସରେ ଏକ ଇମ୍ପ୍ରୋଭାଇଜଡ୍ ବିସ୍ଫୋରକ (ଆଇଇଡି) ରଖିବା ଅଭିଯୋଗରେ ଡିଆରଡିଓ ବୈଜ୍ଞାନିକଙ୍କୁ ଡିସେମ୍ବର ୯ରେ ଗିରଫ କରାଯାଇଥିଲା |
ଅଭିଯୁକ୍ତକୁ ଶୁକ୍ରବାର ଦିନ ଦିଲ୍ଲୀ ପୋଲିସର ସ୍ପେଶାଲ ସେଲ ପଚରାଉଚରା କରିବା ପରେ ସେହି ଦିନ ତାଙ୍କୁ ଗିରଫ କରାଯାଇଥିଲା। ସେ କହିଛନ୍ତି ଯେ ସେବେଠାରୁ ସେ ପୋଲିସ ହେପାଜତରେ ଥିଲେ ଏବଂ ତାଙ୍କୁ ପଚରାଉଚରା କରାଯାଉଥିଲା।
ଶନିବାର ରାତିରେ ଅଭିଯୁକ୍ତ ବୈଜ୍ଞାନିକ ୱାଶରୁମ ଭିତରେ ହ୍ୟାଣ୍ଡ ଓ୍ବାଶ୍ ଲିକ୍ବିଡ୍ ପିଇଥିବାର ଅଭିଯୋଗ ହୋଇଥିଲା ଏବଂ ଏହା ପରେ ଚେତାଶୂନ୍ୟ ଅବସ୍ଥାରେ ପଡ଼ିଥିବାର ଦେଖିବାକୁ ମିଳିଥିଲା। ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ଯେ ତାଙ୍କୁ ବାବାସାହେବ ଆମ୍ବେଦକର ହସ୍ପିଟାଲକୁ ନିଆଯାଇଥିଲା ଏବଂ ସେଠାରୁ ତାଙ୍କୁ ଏମ୍ସ ରେଫର୍ କରାଯାଇଥିଲା |
Comments are closed.