ମାଲକାନଗିରି – ସ୍ୱାଭିମାନ ଅଂଚଳରେ ଆରମ୍ଭ ହୋଇଛି ଫୋର୍ ଜି ମୋବାଇଲ୍ ସେବା । ହାନ୍ତାଳଗୁଡା, ପିପଲପଦର , ଯନ୍ତାପାଇ ଓ ଦାରଲାବେଡାରେ ଆରମ୍ଭ ହୋଇଛି ଫୋର୍ ଜି ସେବା । ଫଳରେ ସ୍ୱାଭିମାନ ଅଂଚଳର ୩୦ ହଜାରରୁ ଅଧିକ ଲୋକ ଉରକୃତ ହେବେ ।
ପୂର୍ବରୁ ସ୍ୱାଭିମାନ ଅଂଚଳରେ ଲୋକେ ମୋବାଇଲ୍ ଥିଲେ ମଧ୍ୟ ସେମାନଙ୍କୁ ଚିତ୍ରକୋଣ୍ଡା ଆସିବାକୁ ପଡୁଥିଲା । ମାଓବାଦୀଙ୍କ ନାଲିଆଖି ଯୋଗୁଁ ମୋବାଇଲ୍ ଯୋଗାଯୋଗ ପାଇଁ କୌଣସି ସୁବିଧା ନଥିଲା । କିନ୍ତୁ ରାଜ୍ୟ ସରକାର ଓ ଜିଲ୍ଲା ପ୍ରଶାସନର ପ୍ରଚେଷ୍ଟା, ପୋଲିସର ସୁରକ୍ଷା ଯୋଗୁଁ ସ୍ୱାଭିମାନ ଅଂଚଳରେ ସମ୍ଭବ ହୋଇପାରିଛି ଫୋର୍ ଜି ସେବା ।
ପୂର୍ବରୁ ରାଜ୍ୟ ସରକାର ଗୁରୁପ୍ରିୟା ସେତୁ ନିର୍ମାଣ ପରେ ରାସ୍ତା କାମକୁ ଜୋରଦାର କରି ଅଂଚଳବାସୀଙ୍କ ଯାତାୟତ ସୁଗମ କରିପାରିଥିଲେ ।
Comments are closed.