ଝାନସୀ: ଝାନସୀ ଷ୍ଟେସନରେ ତେଲେଙ୍ଗାନା ଏକ୍ସପ୍ରେସର ଏକ ବଗିରୁ ଦୁଇଟି ଅସ୍ତ୍ରଶସ୍ତ୍ର ଭର୍ତ୍ତି ବ୍ୟାଗ୍ ମିଳିବା ପରେ ଆତଙ୍କ ଖେଳିଯାଇଛି । ଜବତ ଦୁଇଟି ବ୍ୟାଗରେ ଆରପିଏଫ୍ ପାଞ୍ଚଟି ବନ୍ଧୁକ ଓ ୨୩ଟି କାର୍ଟ୍ରିଜ୍ ପାଇଛି। ଏଥିରେ ଦୁଇ ଜଣଙ୍କର ଲାଇସେନ୍ସ ମଧ୍ୟ ଥିବା କୁହାଯାଇଛି। ଜିଆରପି ଏହି ମାମଲାରେ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।
ରାତି ପ୍ରାୟ ସାଢେ଼ ଗୋଟାଏ ବେଳେ ଏହି ଘଟଣା ଘଟିଥିଲା | ତେଲେଙ୍ଗାନା ଏକ୍ସପ୍ରେସ ଜାମ୍ମୁ ଆଡକୁ ଯାଉଥିଲା। ଟ୍ରେନର ଏକ ବଗିରେ ଅଜଣା ବ୍ୟାଗ୍ ଥିବା ନେଇ ସୂଚନା ପାଇବା ପରେ ଆରପିଏଫ୍ ଏବଂ ଜିଆରପି ଯାଞ୍ଚ୍ କରି ଏଥିରୁ ଅସ୍ତ୍ରଶସ୍ତ୍ର ଜବତ କରିଥିଲେ। ବ୍ୟାଗ୍ କୁ ସତର୍କତାର ସହ ସହ ପ୍ଲାଟଫର୍ମକୁ ଓହ୍ଲାଇ ଦିଆଯାଇଥିଲା | ଯାଞ୍ଚ ବେଳେ ବ୍ୟାଗରେ ୫ଟି ଏସବିବିଏଲ୍ ବନ୍ଧୁକ ଏବଂ ୨୩ଟି କାର୍ଟ୍ରିଜ୍ ମିଳିଥିଲା। ଏହା ବ୍ୟତୀତ ସୁରକ୍ଷା କମ୍ପାନୀର କାର୍ଡ ଏବଂ ମହମ୍ମଦ ରଫିକ୍ ଏବଂ ୱାଜିଦ୍ ନାମରେ ଦୁଇଟି ଗନ୍ ଲାଇସେନ୍ସ ଏବଂ ମୋବାଇଲ ମଧ୍ୟ ମିଳିଥିଲା । ବହୁ ପରିମାଣର ଅସ୍ତ୍ରଶସ୍ତ୍ର ମିଳିବା ପରେ ଏହାକୁ ନେଇ ଆଲୋଡ଼ନ ସୃଷ୍ଟି ହୋଇଛି।
Comments are closed.