ନୂଆଦିଲ୍ଲୀ: ବୁଧବାର ଠାରୁ ନିଟ୍-ପିଜି କାଉନସେଲିଂ ଆରମ୍ଭ ହେବ। କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭୀୟ ରବିବାର ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ଏହା କରୋନା ବିରୋଧରେ ଲଢେଇରେ ଦେଶକୁ ଅଧିକ ଶକ୍ତି ଦେବ | ସ୍ୱାସ୍ଥ୍ୟ ମନ୍ତ୍ରୀ ଟୁଇଟ୍ କରି କହିଛନ୍ତି ଯେ, ମାନ୍ୟବର ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ, ୨୦୨୧-୨୦୨୨ ପାଇଁ ଜାନୁଆରୀ ୧୨ରୁ ଏମସିସି (ମେଡିକାଲ କାଉନସେଲିଂ କମିଟି) ଦ୍ୱାରା ନିଟ୍-ପିଜି କାଉନସେଲିଂ ଆରମ୍ଭ ହେବ। ଏହା କରୋନା ବିରୋଧରେ ଲଢେଇରେ ଦେଶକୁ ଅଧିକ ଶକ୍ତି ଦେବ | ସମସ୍ତ ପ୍ରାର୍ଥୀଙ୍କୁ ମୋର ଶୁଭେଚ୍ଛା |
କାଉନସେଲିଂ ବିଳମ୍ବ ନେଇ ରେସିଡେଣ୍ଟ ଡାକ୍ତରମାନେ ଦୀର୍ଘ ସମୟ ଧରି ଆନ୍ଦୋଳନ କରିଥିଲେ।
ସୁପ୍ରିମକୋର୍ଟ ଶୁକ୍ରବାର ଓବିସିଙ୍କ ପାଇଁ ୨୭% ଏବଂ ଆର୍ଥିକ ଦୁର୍ବଳ (ଇଡବ୍ଲ୍ୟୁଏସ୍) ବର୍ଗ ପାଇଁ ୧୦% ସଂରକ୍ଷଣକୁ ଅନୁମତି ଦେବା ସହ ନିଟ୍-ପିଜି କାଉନସେଲିଂ ଆରମ୍ଭ କରିବାକୁ କେନ୍ଦ୍ରକୁ କହିଥିଲେ | ଏହି ଦୁଇ ବର୍ଗ ପାଇଁ ସଂରକ୍ଷଣକୁ ଯଥାର୍ଥ ଦର୍ଶାଇ କେନ୍ଦ୍ର ସର୍ବୋଚ୍ଚ ନ୍ୟାୟାଳୟଙ୍କ ଠାରୁ ଅନୁମତି ମାଗିଥିଲା |
Comments are closed.