ନୂଆଦିଲ୍ଲୀ: କରୋନା ମାମଲାରେ ଉତ୍ଥାନ-ପତନ ଜାରି ରହିଛି | ବୁଧବାର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଜାରି ସଦ୍ୟତମ ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ୨୬,୯୬୪ ନୂଆ ମାମଲା ଆସିଛି। ଦିନକ ପୂର୍ବରୁ ୨୬,୧୧୫ ମାମଲା ଆସିଥିଲା। ଗତ ୨୪ ଘଣ୍ଟାରେ ଏହି ରୋଗରେ ପୁଣି ୩୮୩ ଲୋକଙ୍କ ମୃତ୍ୟୁ ହୋଇଛି ଏବଂ ଆଉ ୩୪,୧୬୭ ଲୋକ ମଧ୍ୟ ସୁସ୍ଥ ହୋଇଛନ୍ତି ଅର୍ଥାତ୍ ୭୫୮୬ ସକ୍ରିୟ ମାମଲା ହ୍ରାସ ପାଇଛି |
କରୋନା ମହାମାରୀ ଆରମ୍ଭରୁ ଏଯାବତ୍ ମୋଟ ତିନି କୋଟି ୩୫ ଲକ୍ଷ ୩୧ ହଜାର ଲୋକ ସଂକ୍ରମିତ ହୋଇଛନ୍ତି। ସେଥିମଧ୍ୟରୁ ୪ ଲକ୍ଷ ୪୫ ହଜାର ୭୫୮ ଜଣଙ୍କର ମୃତ୍ୟୁ ହୋଇଛି। ଏପର୍ଯ୍ୟନ୍ତ ୩ କୋଟି ୨୭ ଲକ୍ଷ ୮୩ ହଜାର ଲୋକ ଆରୋଗ୍ୟ ଲାଭ କରିଛନ୍ତି। ଦେଶରେ କରୋନା ସକ୍ରିୟ ମାମଲା ସଂଖ୍ୟା ହ୍ରାସ ପାଉଥିବା ଲକ୍ଷ୍ୟ କରାଯାଇଛି | ଏବେ ସମୁଦାୟ ୩ ଲକ୍ଷ ୧ ହଜାର ୯୮୯ ଲୋକ ଚିକିତ୍ସାଧୀନ ଅଛନ୍ତି ।
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ସେପ୍ଟେମ୍ବର ୨୧ ପର୍ଯ୍ୟନ୍ତ ସାରା ଦେଶରେ ୮୨ କୋଟି ୬୫ ଲକ୍ଷ ୧୫ ହଜାର ଡୋଜ କରୋନା ଟିକା ଦିଆଯାଇଛି। ଦିନକରେ ଆଉ ୭୫.୫୭ ଲକ୍ଷ ଟିକା ଦିଆଯାଇଥିଲା। ଏଥି ସହିତ ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) ଅନୁଯାୟୀ ଏପର୍ଯ୍ୟନ୍ତ ପ୍ରାୟ ୫୫.୬୭ କୋଟି କରୋନା ପରୀକ୍ଷା କରାଯାଇଛି। ଗତକାଲି ୧୬ ଲକ୍ଷ କରୋନା ନମୁନା ପରୀକ୍ଷା କରାଯାଇଥିଲା, ଯାହାର ପଜିଟିଭିଟି ହାର ୩ ପ୍ରତିଶତରୁ କମ୍ |
Comments are closed.