ଅକଲ୍ୟାଣ୍ଡ: ନ୍ୟୁଜିଲ୍ୟାଣ୍ଡର ଭେଟେରାନ୍ ବ୍ୟାଟ୍ସମ୍ୟାନ୍ ରସ୍ ଟେଲର ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି । ଆଗାମୀ ଘରୋଇ ସିରିଜ୍ ପରେ ସେ କ୍ରିକେଟରୁ ସନ୍ନ୍ୟାସ ନେବେ । ରସ୍ ଟ୍ୱିଟ୍ କରି ଲେଖିଛନ୍ତି – ଆଗାମୀ ଘରୋଇ ସିଜନ୍ ପରେ ମୁଁ ଅନ୍ତର୍ଜାତୀୟ କ୍ରିକେଟକୁ ବିଦାୟ ନେବି। ମୋର ୧୭ ବର୍ଷର କ୍ୟାରିଅରରେ ଆପଣଙ୍କର ସମର୍ଥନ ପାଇଁ ସମସ୍ତଙ୍କୁ ଧନ୍ୟବାଦ | ମୋ ଦେଶକୁ ପ୍ରତିନିଧିତ୍ୱ କରିବା ମୋ ପାଇଁ ଗର୍ବର ବିଷୟ | ଏହି ସମର୍ ରେ ବାଂଲାଦେଶ ବିପକ୍ଷରେ ନ୍ୟୁଜିଲ୍ୟାଣ୍ଡକୁ ଦୁଇଟି ଟେଷ୍ଟ ମ୍ୟାଚ୍ ସହ ଅଷ୍ଟ୍ରେଲିଆ ଏବଂ ନେଦରଲ୍ୟାଣ୍ଡ ବିପକ୍ଷରେ ଦିନିକିଆ ଖେଳିବା କାର୍ଯ୍ୟକ୍ରମ ରହିଛି। ଏହି ତିନି ସିରିଜ୍ ପାଇଁ ଟେଲର କିୱି ଦଳର ଅଂଶ ହେବେ।
ସେ ତାଙ୍କ କ୍ୟାରିୟରର ଶେଷ ଅନ୍ତର୍ଜାତୀୟ ମ୍ୟାଚ୍ ୪ ଏପ୍ରିଲରେ ହାମିଲଟନରେ ଖେଳିବେ, ଯେଉଁଠାରେ ସେ ତାଙ୍କ ପତ୍ନୀ ଏବଂ ତିନି ପିଲାଙ୍କ ସହିତ ରୁହନ୍ତି | ସେଣ୍ଟ୍ରାଲ ଲିଗ୍ ପାଇଁ ସେ ଘରୋଇ କ୍ରିକେଟ୍ ଖେଳିବା ଜାରି ରଖିବେ ବୋଲି ଟେଲର କହିଛନ୍ତି।
ରସ ଟେଲର ୮ ମାର୍ଚ୍ଚ ୧୯୮୪ ରେ ୱେଲିଙ୍ଗଟନର ଲୋୟର ହଟରେ ଜନ୍ମଗ୍ରହଣ କରିଥିଲେ | ଟେଲର ଜଣେ ଡାହାଣ ହାତୀ ମଧ୍ୟକ୍ରମ ଅର୍ଡର ବ୍ୟାଟ୍ସମ୍ୟାନ୍ | ସେ ଅଣ୍ଡର-୧୯ କ୍ରିକେଟ୍ ଦଳର ଅଧିନାୟକ ଦାୟିତ୍ବ ମଧ୍ୟ ତୁଲାଇଥିଲେ। ଟେଲର ନ୍ୟୁଜିଲ୍ୟାଣ୍ଡ ପାଇଁ ୧୧୦ଟି ଟେଷ୍ଟ ମ୍ୟାଚ୍ ଖେଳିଛନ୍ତି | ତାଙ୍କ ନାମରେ ୭୫୮୪ ରନ୍ ଅଛି | ଦିନିକିଆରେ ସେ ୨୨୩ଟି ମ୍ୟାଚରେ ୮୫୮୧ ରନ୍ କରିଛନ୍ତି | ଟେଲର ଟି -୨୦ରେ ନ୍ୟୁଜିଲ୍ୟାଣ୍ଡ ପାଇଁ ୧୦୨ ଟି ମ୍ୟାଚ୍ ଖେଳି ୧୯୦୯ ରନ୍ କରିଛନ୍ତି।
ନ୍ୟୁଜିଲ୍ୟାଣ୍ଡ ପାଇଁ ଟେଷ୍ଟରେ ଟେଲର୍ ହେଉଛନ୍ତି ଅଗ୍ରଣୀ ରନ୍ ସ୍କୋରର | ସେ ମଧ୍ୟ ଦିନିକିଆରେ ଦଳ ପାଇଁ ସର୍ବାଧିକ ରନ୍ ସ୍କୋରର ଅଟନ୍ତି। ଦିନିକିଆରେ ତାଙ୍କର ସର୍ବାଧିକ ସ୍କୋର ୧୮୧ ରନ୍ ଏବଂ ଟେଷ୍ଟରେ ତାଙ୍କର ଶ୍ରେଷ୍ଠ ସ୍କୋର ହେଉଛି ୨୯୦ ରନ୍ |
Today I’m announcing my retirement from international cricket at the conclusion of the home summer, two more tests against Bangladesh, and six odi’s against Australia & the Netherlands. Thank you for 17 years of incredible support. It’s been an honour to represent my country #234 pic.twitter.com/OTy1rsxkYp
— Ross Taylor (@RossLTaylor) December 29, 2021
Comments are closed.