ଦେଶରେ ୩୭ ଲକ୍ଷରୁ ଉର୍ଦ୍ଧ୍ବ ଲୋକଙ୍କୁ ଦିଆଗଲାଣି ଟିକା

ନୂଆଦିଲ୍ଲୀ – ସାରା ଦେଶରେ ୩୭ ଲକ୍ଷରୁ ଉର୍ଦ୍ଧ୍ବ ସ୍ୱାସ୍ଥ୍ୟ କର୍ମୀଙ୍କୁ କୋଭିଡ -୧୯ ଟିକା ଦିଆଯାଇ ସାରିଛି। ସ୍ୱାସ୍ଥ୍ୟ ମନ୍ତ୍ରଣାଳୟ ଏହି ସୂଚନା ଦେଇଛି। ମନ୍ତ୍ରଣାଳୟ କହିଛି ଯେ ଟୀକାକରଣର ୧୫ ତମ ଦିନରେ ୨,୦୬,୧୩୦ ଲୋକଙ୍କ ଟୀକାକରଣ କରାଯାଇଥିଲା ଏବଂ ଟୀକାକରଣ ପରେ ୭୧ ଟି ପ୍ରତିକୂଳ ପ୍ରଭାବ ଦେଖିବାକୁ ମିଳିଥିଲା। ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ସାମୟିକ ରିପୋର୍ଟ ଅନୁଯାୟୀ ଟିକା ଦିଆଯାଇଥିବା ମୋଟ ସ୍ୱାସ୍ଥ୍ୟ କର୍ମଚାରୀଙ୍କ ସଂଖ୍ୟା (ଶନିବାର ସନ୍ଧ୍ୟା ୭ ଟା ପର୍ଯ୍ୟନ୍ତ) ହେଉଛି ୩୭,୦୬,୧୫୭ ।

ଏହି ବିବୃତ୍ତିରେ କୁହାଯାଇଛି ଯେ ଏପର୍ଯ୍ୟନ୍ତ ଉତ୍ତରପ୍ରଦେଶରେ ୪,୬୩,୭୯୩ ସ୍ୱାସ୍ଥ୍ୟ କର୍ମୀଙ୍କ ଟୀକାକରଣ କରାଯାଇଛି। ଏହା ପରେ ରାଜସ୍ଥାନରେ ୩,୨୬,୭୪୫ ସ୍ୱାସ୍ଥ୍ୟ କର୍ମୀ, କର୍ଣ୍ଣାଟକରେ ୩,୧୫,୩୪୩, ମଧ୍ୟପ୍ରଦେଶରେ ୨,୭୩,୮୭୨ ଏବଂ ମହାରାଷ୍ଟ୍ରରେ ୨,୬୯,୦୬୪ ଲୋକଙ୍କୁ ଟୀକା ଦିଆଯାଇଛି । ମନ୍ତ୍ରଣାଳୟ କହିଛି ଯେ ଭାରତ କେବଳ ୧୦ ଲକ୍ଷ ଲୋକଙ୍କୁ ଟୀକାକରଣ କରିବାର ଦ୍ରୁତତମ ଲକ୍ଷ୍ୟ ହାସଲ କରିନାହିଁ, ବରଂ ୨୦ ଲକ୍ଷ ଏବଂ ୩୦ ଲକ୍ଷ ଲୋକଙ୍କୁ ଟୀକାକରଣ କ୍ଷେତ୍ରରେ ମଧ୍ୟ ଦେଶ ପ୍ରଥମ ସ୍ଥାନରେ ରହିଛି ।