ରାଜ୍ୟରେ ୩ ହଜାର ୬୬୪ ନୂଆ କୋରୋନା ସଂକ୍ରମିତ ଚିହ୍ନଟ, ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୭୦୪ ପଜିଟିଭ

ଭୁବନେଶ୍ୱର – ରାଜ୍ୟରେ ଗତ ୨୪ ଘଂଟାରେ ୩ ହଜାର ୬୬୪ ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସଂଗରୋଧରୁ ୨ ହଜାର ୧୨୭ ଏବଂ ସ୍ଥାନୀୟ ଅଂଚଳରୁ ୧ ହଜାର ୫୩୭ ଆକ୍ରାନ୍ତ ଚିହ୍ନଟ ହୋଇଛନ୍ତି । ଖୋର୍ଦ୍ଧା ଜିଲ୍ଲାରେ ୭ ଶହ ଟପିଛି ଦୈନିକ ସଂକ୍ରମଣ ସଂଖ୍ୟା । ଦିନକରେ ଏହି ଜିଲ୍ଲାରୁ ସର୍ବାଧିକ ୭୦୪ ପଜିଟିଭ ଚିହ୍ନଟ ହୋଇଛନ୍ତି । ସୁନ୍ଦରଗଡ ଜିଲ୍ଲାରୁ ୩୪୦, କଳାହାଣ୍ଡିରୁ ୩୨୪, ନୂଆପଡାରୁ ୨୨୧, ବରଗଡରୁ ୨୧୦, ସମ୍ବଲପୁରରୁ ୧୯୯, କଟକରୁ ୧୯୮, ଝାରସୁଗୁଡାରୁ ୧୮୩, ପୁରୀରୁ ୧୪୩, ମୟୂରଭଂଜରୁ ୧୧୯, ନବରଙ୍ଗପୁରରୁ ୮୧, ବଲାଙ୍ଗିରରୁ ୭୯, ଜଗତସିଂହପୁରରୁ ୬୮, ଗଞ୍ଜାମରୁ ୬୬, ଗଜପତିରୁ ୬୩, ଅନୁଗୁଳରୁ ୫୯, ଯାଜପୁରରୁ ୫୮, ରାୟଗଡାରୁ ୫୭
ଜଣ ଚିହ୍ନଟ ହୋଇଛନ୍ତି ।

ରାଜ୍ୟରେ ମୋଟ କୋରୋନା ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୬୮ ହଜାର ୨୫୮କୁ ବୃଦ୍ଧି ପାଇଥିବା ବେଳେ ୩ ଲକ୍ଷ ୪୪ ହଜାର ୮୨୫ ସୁସ୍ଥ ହୋଇସାରିଲେଣି । ୨୧ ହଜାର ୪୬୩ ରୋଗୀ ଚିକିତ୍ସାଧୀନ ଅଛନ୍ତି ।