ନୂଆଦିଲ୍ଲୀ – ଆଜି ହେଉଛି ଚାଷୀ ଆନ୍ଦୋଳନର ୨୭ତମ ଦିନ । ସରକାରଙ୍କ ସହ ଆଲୋଚନା ନିମନ୍ତ୍ରଣ ଉପରେ ଆଜି ଚାଷୀମାନଙ୍କ ବୈଠକ ହେବ । ଏଥିରେ ପଞ୍ଜାବ ଏବଂ ଜାତୀୟ କୃଷକ ସଂଗଠନର ନେତାମାନେ ସାମିଲ ହେବେ। ସରକାରଙ୍କ ସହ ଆଲୋଚନା କରାଯିବ କି ନାହିଁ ତାହା ସେମାନେ ସ୍ଥିର କରିବେ। ରବିବାର ରାତିରେ ସରକାରଙ୍କ ତରଫରୁ ଚାଷୀଙ୍କୁ ନିମନ୍ତ୍ରଣ ପତ୍ର ପଠାଯାଇଥିଲା। ଅନ୍ୟପକ୍ଷରେ କୃଷକ ନେତା ହାନାନ ମୁଲା କହିଛନ୍ତି ଯେ ସରକାର ଛଳନା କରୁଛନ୍ତି। ମୁଁ ଏଜେଣ୍ଡା ବିଷୟରେ ଆଲୋଚନା କରିବାକୁ ଚାହୁଁନାହିଁ । ଯଦି ଆମେ ଆଲୋଚନା କରିବୁ, ଏହା ଆମର ଏଜେଣ୍ଡା ଉପରେ ହେବା ଉଚିତ୍ ।
କୃଷକ ନେତାମାନେ କହିଛନ୍ତି ଯେ ସରକାର ୫ ପୃଷ୍ଠାର ପ୍ରସ୍ତାବ ପଠାଇଛନ୍ତି। ଏଥିରେ କେବଳ ପୁରୁଣା କଥା ଉପରେ ଗୁରୁତ୍ୱ ଦିଆଯାଇଛି, ଯାହା ୯ ଡିସେମ୍ବର ପ୍ରସ୍ତାବରେ ଥିଲା । ପୁରୁଣା ପ୍ରସ୍ତାବ ଉପରେ ସରକାର ଆଲୋଚନା କରିବାକୁ ଚାହୁଁଛନ୍ତି। ଆଇନର ପ୍ରତ୍ୟାହାର ଏବଂ ଏମଏସପି ଉପରେ ଏକ ନୂତନ ଆଇନ ନେଇ ଆମ ଦାବି ଉପରେ ସରକାର ଆଲୋଚନା କରିବାକୁ ଚାହୁଁନାହାଁନ୍ତି ବୋଲି ଚାଷୀମାନେ ଅଭିଯୋଗ କରିଛନ୍ତି ।
Comments are closed.