ନୂଆଦିଲ୍ଲୀ: ବୁଧବାର ଦେଶରେ ୬,୯୮୪ ନୂଆ କରୋନା ମାମଲା ରୁଜୁ ହୋଇଛି। ଗତ ୨୪ ଘଣ୍ଟା ମଧ୍ୟରେ ୨୪୭ ଜଣଙ୍କର ମୃତ୍ୟୁ ହୋଇଛି। କିନ୍ତୁ ୮,୧୬୮ ଲୋକ ସୁସ୍ଥ ହୋଇ ନିଜ ଘରକୁ ଫେରିଛନ୍ତି । ଦେଶରେ ଏପର୍ଯ୍ୟନ୍ତ ୮୭,୫୬୨ ସକ୍ରିୟ କୋଭିଡ ମାମଲା ରହିଛି। ଦେଶରେ ଏଯାବତ୍ ୩,୪୧,୪୬,୯୩୧ ଲୋକ କୋଭିଡଙ୍କୁ ମାତ୍ ଦେଇଛନ୍ତି । ଦେଶରେ କରୋନା ଭାଇରସ୍ ଯୋଗୁଁ ବର୍ତ୍ତମାନ ସୁଦ୍ଧା ୪,୭୬,୧୩୫ ଲୋକ ପ୍ରାଣ ହରାଇଛନ୍ତି । ଦେଶରେ ଡିସେମ୍ବର ୧୪ ସୁଦ୍ଧା ୧୩୪,୬୧,୧୪,୪୮୩ ଡୋଜ୍ କରୋନା ଦିଆଯାଇଛି ।
ଅନ୍ୟପକ୍ଷରେ ଦେଶରେ ଓମିକ୍ରନ୍ ମାମଲା ୬୧ ରେ ପହଞ୍ଚିଛି। ମଙ୍ଗଳବାର ଦିନ ଦିଲ୍ଲୀରେ କରୋନା ଭାଇରସର ଓମିକ୍ରନ୍ ଭାରିଆଣ୍ଟ୍ର ଚାରୋଟି ନୂତନ ମାମଲା ରିପୋର୍ଟ ହୋଇଥିବାବେଳେ ମହାରାଷ୍ଟ୍ରରେ ଏହି ଫର୍ମର ଆଠଟି ନୂଆ ମାମଲା ରିପୋର୍ଟ ହୋଇଛି। ଏହା ସହିତ ଦେଶରେ ଓମିକ୍ରନ୍ ମାମଲା ୬୧ କୁ ବୃଦ୍ଧି ପାଇଛି ।
Comments are closed.