ବ୍ରହ୍ମପୁର: କେବଳ ଗଞ୍ଜାମ ଜିଲ୍ଲା ନୁହେଁ ସମଗ୍ର ରାଜ୍ୟର ଏକ ଅଦ୍ବିତୀୟ ଶକ୍ତି ପୀଠ ମାଁ ତାରାତାରିଣୀ। କୁହାଯାଏ ମହାଦେବଙ୍କ ମୋହାଚ୍ଛନ୍ନ ଅବସ୍ଥାକୁ ଭଗ୍ନ କରିବା ପାଇଁ ଦେବୀ ସତୀଙ୍କ ମର ଶରୀରକୁ ଯେତେବେଳେ ପ୍ରଭୁ ବିଷ୍ଣୁ ସୁଦର୍ଶନ ଚକ୍ରରେ ଖଣ୍ଡିତ କରିଥିଲେ ସେତେବେଳେ ଦେବୀଙ୍କ ବକ୍ଷୋଜ ଅଂଶ ଏହିଠାରେ ପତିତ ହୋଇଥିଲା। ସେଥିପାଇଁ ତ ଏହି ପୀଠର ନାମ ହୋଇଛି ତାରାତାରିଣୀ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାରା ରାଜ୍ୟର ଆଧ୍ୟାତ୍ମିକ ପର୍ଯ୍ୟଟନସ୍ଥଳର ବିକାଶ ପାଇଁ ବହୁମୂଖୀ ଯୋଜନା କରି ଅନୁଦାନ ମଞ୍ଜୁର କରିବା ସହ ସେଗୁଡ଼ିକୁ ଅନ୍ତର୍ଜାତୀୟ ଟୁରିଷ୍ଟ ସ୍ପଟ୍ ଭାବେ ବିକଶିତ କରାଉଛନ୍ତି। କେଇ ସହସ୍ର ବର୍ଷ ପ୍ରାଚୀନ ଏଇ ମନ୍ଦିରର ନବକଳେବର କାର୍ଯ୍ୟ ଚାଲିଛି। ଦେଖିବାକୁ ମିଳିଛି ମନ୍ଦିରର ସୁନ୍ଦର ରୂପାନ୍ତରଣ।
ରୂପାନ୍ତରଣ ତଥା ନବକଳେବର କାର୍ଯ୍ୟ ପାଦେ ପାଦେ ଆଗେଇ ଚାଲିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରବିବାର ଏହି ପୁରାତନ ମନ୍ଦିରର ନବୀକରଣ ରୂପ ବୁଲି ଦେଖିବା ସାଙ୍ଗକୁ ପୀଠରେ ଉନ୍ନୟନମୂଳକ କାର୍ଯ୍ୟ ଅନୁଧ୍ୟାନ କରିବା କାର୍ଯ୍ୟକ୍ରମ ରହିଛି। ଏହାପରେ ଭକ୍ତମାନେ ଅଧିକ ସୁବିଧା ସୁଯୋଗ ସହ ସ୍ବଚ୍ଛନ୍ଦରେ ଦେବୀ ଦର୍ଶନ ଓ ଆରାଧନା କରିପାରିବେ।
Comments are closed.