ଦେଶରେ ୭ ରାଜ୍ୟକୁ ବ୍ୟାପିଲାଣି ବାର୍ଡ ଫ୍ଲୁ

ନୂଆଦିଲ୍ଲୀ – ବାର୍ଡ ଫ୍ଲୁ ଏବେ ରାଜ୍ୟରୁ ରାଜ୍ୟକୁ ବ୍ୟାପିବାରେ ଲାଗିଛି। କେନ୍ଦ୍ର ସରକାର କହିଛନ୍ତି ଯେ ଉତ୍ତରପ୍ରଦେଶରେ ବାର୍ଡ ଫ୍ଲୁ ବ୍ୟାପିବା ସହିତ ପ୍ରଭାବିତ ରାଜ୍ୟଗୁଡିକର ସଂଖ୍ୟା ୭କୁ ବୃଦ୍ଧି ପାଇଛି। ଏ ପର୍ଯ୍ୟନ୍ତ ଦେଶରେ ୧୨୦୦ ପକ୍ଷୀଙ୍କର ମୃତ୍ୟୁ ହୋଇଛି। କେନ୍ଦ୍ର କହିଛି ଯେ ଦିଲ୍ଲୀ, ଚଣ୍ଡିଗଡ଼ ଏବଂ ମହାରାଷ୍ଟ୍ରରେ ବାର୍ଡ ଫ୍ଲୁ ନିଶ୍ଚିତ ହୋଇନାହିଁ। ଏହି ସ୍ଥାନଗୁଡିକରୁ ନିଆଯାଇଥିବା ନମୁନାଗୁଡିକ ପରୀକ୍ଷା ପାଇଁ ପଠାଯାଇଛି | ଉତ୍ତରପ୍ରଦେଶ ବ୍ୟତୀତ ଅନ୍ୟ ୬ଟି ରାଜ୍ୟ ଯେଉଁଠାରେ ବାର୍ଡ ଫ୍ଲୁ ବ୍ୟାପିଥିବା ସ୍ପଷ୍ଟ ହୋଇଛି ସେହି ରାଜ୍ୟଗୁଡ଼ି଼ିକ ହେଲା କେରଳ, ରାଜସ୍ଥାନ, ମଧ୍ୟପ୍ରଦେଶ, ହିମାଚଳ ପ୍ରଦେଶ, ହରିୟାଣା ଏବଂ ଗୁଜୁରାଟ। ମତ୍ସ୍ୟ, ପଶୁପାଳନ ଏବଂ ଦୁଗ୍ଧ ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ଏପର୍ଯ୍ୟନ୍ତ ସାତୋଟି ରାଜ୍ୟରେ ଏହି ରୋଗ ବ୍ୟାପିଥିବା ସ୍ପଷ୍ଟ ହୋଇଛି। ଏହି ରୋଗକୁ ବ୍ୟାପିବାରେ ରୋକିବା ପାଇଁ ଆବଶ୍ୟକ ପଦକ୍ଷେପ ନେବାକୁ ବିଭାଗ ପ୍ରଭାବିତ ରାଜ୍ୟମାନଙ୍କୁ ପରାମର୍ଶ ଦେଇଛି। ‘